Latest Marathi News

छत्रपती संभाजीनगर : डॉ. बाबासाहेब आंबेडकर मराठवाडा विद्यापीठाच्या गीतामध्ये भारतरत्न डॉ. बाबासाहेब आंबेडकर यांच्यासह नामांतर चळवळ, नागसेनवनातील शिक्षणाचा, परंपरेचा कोणताही उल्लेख आलेला नाही. त्यामुळे गीतामध्ये बदल करीत या सर्वांच्या उल्लेखाने विस्तार करावा, अशी मागणी करणारा ठराव येत्या ३० सप्टेंबर रोजी बोलाविलेल्या बैठकीत एका अधिसभा सदस्याने मांडला आहे. या ठरावाकडे सर्वांचे लक्ष लागले आहे.विद्यापीठाच्या गीताची रचना कवी फ. मुं. शिंदे यांनी केलेली असून, प्रख्यात गायक सुरेश वाडकर यांनी गायन केलेले आहे. या गीतामध्ये विद्यापीठाचा गौरव, अभिमान, इतिहास, परंपरा असल्या पाहिजेत, अशी चर्चा प्राध्यापकांच्या बामुक्टो संघटनेतर्फे करण्यात आली होती. तेव्हा विद्यापीठाच्या गीतामध्ये कालसुसंगत बदल करण्याची मागणी पुढे आली. त्यानुसार बामुक्टो संघटनेचे पदाधिकारी तथा अधिसभा सदस्य डॉ. उमाकांत राठोड यांनी याविषयीचा ठराव येत्या ३० सप्टेंबर रोजी होणाऱ्या बैठकीत मांडला आहे. हा ठराव चर्चेला आल्यानंतर त्यास मंजुरी देण्यात येते की विरोध करण्यात येतो, याकडे उच्चशिक्षण वर्तुळाचे लक्ष लागले आहे.विद्यापीठाचा बोध व्हावासध्या अस्तित्वात असलेले गीत अतिशय उत्तम आहे. मात्र, ऐकल्यानंतर ते विद्यापीठाचेच गीत आहे का, अशी शंका सर्वसामान्य माणसांच्या मनात निर्माण होते. विद्यापीठाचा त्या गीतातून बोध होत नाही. त्यामुळे गीत बदलण्यापेक्षा त्यातच विद्यापीठाच्या परंपरा, नामांतर चळवळ, डॉ. बाबासाहेब आंबेडकर यांच्यासह नागसेनवनाचा उल्लेख गीतामध्ये असावा, अशी अपेक्षा आहे. त्यास अधिसभेत सर्वच सदस्य पाठिंबा देऊन बहुमताने ठराव मंजूर होईल.-डॉ. उमाकांत राठोड, अधिसभा सदस्य, विद्यापीठ.

इस्लामपुरात कार्यक्रम : बहारदार लावण्यांना सखींकडून वन्समोअर, टाळ्या अन् शिट्ट्या... ...

एलबीटीचा प्रश्न : २८२ कोटींच्या नुकसान भरपाईचा प्रस्ताव ...

जिल्ह्यातील स्थिती : शेतकऱ्यांऐवजी विमा कंपन्यांचे भले; हप्त्याएवढीही भरपाई नाही ...

ज्येष्ठांच्या प्रदर्शनीय क्रिकेट सामन्यात सहभागी झालेले १९८० ते १९९५ सालातील खेळाडू. ...

टायब्रेकरमध्ये ‘पीटीएम’वर मात : निखिल खाडे याला ‘मालिकावीर’चा बहुमान ...

श्रीपतराव शिंदे : गडहिंग्लजमध्ये जनता दल कार्यकर्त्यांच्या मेळाव्यात मागणी ...