Latest Marathi News

अमरावती : एसटीतून खाली उतरताच चाकाखाली येऊन एका वृध्दाचा मृत्यू झाल्याची घटना शुक्रवारी सकाळी ९. १५ वाजताच्या सुमारास वऱ्हा बसस्थानकावर घडली. रामराव आकाराम वाघमारे (७०) असे मृतकाचे नाव आहे. अशाच अपघात मागील वर्षी माहुली (जहागिर) येथे चिमुकल्या साहिल डायरेचा बसखाली आल्याने मृत्यू झाला होता. याच घटनेचा हा अपघात पुनरावृत्ती ठरला. नागरिकांच्या रोषाला पोलिसांनी वेळीच आवर घातल्याने कुठलाही अनुचित प्रकार घडला नाही.तिवसा तालुक्यातील कुऱ्हा पोलीस ठाण्यातंर्गत घोटा येथील रहिवासी रामराव वाघमारे (७०) हे सकाळी कुऱ्हा ते मोझरीकडे जाणाऱ्या बसगाडी एमएच ४०-८४५४ मध्ये घोटा येथून बसले होते. वऱ्हा गावातील बसस्थानकावर बस थांबताच ते खाली उतरले. मात्र, त्याचवेळी बसगाडी समोर जाण्यासाठी निघाल्याने रामराव हे चाकाखाली आले. त्यांच्या कंबरेला गंभीर दुखापत झाली. हा अपघात घडताच बस चालकांनी त्यांना बसमध्ये घेवून मोझरी येथील प्राथमिक आरोग्य केंद्रात दाखल केले. मात्र, त्यांची प्रकृती गंभीर असल्यामुळे तेथून त्यांना इर्विन रुग्णालयात दाखल करण्यात आले. परंतु उपचारादरम्यान त्यांचा मृत्यू झाला. घटनेची माहिती मिळताच कुऱ्हा पोलिसांनी घटनास्थळी गाठून पंचनामा केला. तसेच बस आगार प्रमुखांनी इर्विन रुग्णालयात धाव घेऊन मृतकांच्या नातेवाईकांना आर्थिक मदत केली. रामराम यांच्या पश्चात पत्नी कमला, एक मुलगा, दोन मुली, सुन व नांतवड असा आप्त परिवार आहे. या प्रकरणी पोलीस चौकशी करीत आहे.

देशात शिक्षणाचे जाळे सर्वत्र पसरले आहे. अनेक विद्यापीठांतून ज्ञानाच्या विविध शाखांमधून शिक्षण दिले जात आहे. ...

गहू, हरभरा, संत्री, डाळिंब, केळी पिकांची नासाडी. ...

जिल्हाधिकार्‍यांचे स्टिंग ऑपरेशन: रूग्णवाहिकेमध्ये जाऊन पथकाची धाड. ...

स्पर्धा परीक्षांमध्ये यश मिळवायचे असेल तर सातत्याने वाचन, चिंतन आणि मनन करणे आवश्यक आहे. ...

अकोला जिल्ह्यातील घटना, आदिवासी महिलेवर अत्याचार. ...

महाराष्ट्र शासन पुरस्कृत आयसीटी संगणक शिक्षक फेज-२ ला २०११ रोजी सुरुवात झाली. ...

भाजपचे बाळ टाले, सतीश ढगे, राकाँच्या शमशाद बेगम यांना पुन्हा संधी. ...

‘आज संपूर्ण जगात ‘नॅनोटेक्नॉलॉजी’ याविषयी चर्चा सुरू असून याने मानवी जीवन ढवळून निघाले आहे. ...

प्रगट दिनासाठी हजारो भजनी दिंड्या दाखल. ...

जिल्ह्यात गत दोन दिवसांपासून अवकाळी पावसाने चांगलेच थैमान घातले आहे. ...