Latest Marathi News

नेर : मर्यादेपेक्षा अधिक वेगाने धावणाऱ्या वाहनांमुळे तालुक्यात अपघाताचे प्रमाण वाढले आहे. अवजड वाहनांचे आठवडाभरात दोन बळी ठरले. शिवाय सहा जनावरांनाही या वाहनांनी चिरडले. वारंवार घडणाऱ्या या घटनांमुळे नागरिकांमध्ये कमालीची भीती निर्माण झाली आहे. पोलीस विभागाकडून मात्र भरधाव धावणाऱ्या वाहनांवर थोडेही नियंत्रण नसल्याचे दिसून येते. केवळ शहरातच वाहतूक नियंत्रित ठेवण्याची जबाबदारी असल्यागत ते वागत आहेत.तालुक्याच्या लासिना येथे अंगणात उभ्या असलेल्या अभय सोनोने (२५) या युवकाला कंटेनरने चिरडले. या घटनेमुळे निर्माण झालेला तणाव नियंत्रणात येत नाही तोच टेंबी येथील दुचाकीवर स्वार माया टोम्पे हिचा कंटेनरच्या धडकेत बळी गेला. अपघातानंतर वाहनधारक पसार होत असल्याने बहुतांश प्रकरणात अपघातग्रस्त वाहन सापडत नसल्याने भरधाव वाहनचालकांची हिम्मत वाढली आहे.लासिना येथे घडलेल्या घटनेनंतर संतप्त नागरिकांनी अपघातग्रस्त ट्रकचा पाठलाग सुरू केला. त्यावेळी चालकाने कुठेही न थांबता वाहनाचा वेग वाढविला, याप्रकारात सहा जनावरांचा बळी गेला. अखेर ट्रक नेर येथे पकडून चालकाला ताब्यात घेण्यात आले.टेंबी येथे महिलेला धडक देऊन पसार झालेला ट्रक पकडण्यात नागरिक आणि पोलिसांना चांगलीच कसरत करावी लागली. अशा प्रकारच्या घटनांमध्ये सातत्याने होणारी वाढ नागरिकांच्या जीवावर उठली आहे.नेर शहरातील वाहतूक नियंत्रित करण्यासाठी वाहतूक शिपायांची नियुक्ती आहे. मात्र ते आपले कार्यक्षेत्र काही भागापूरतेच मर्यादित ठेवत आहेत. वर्दळीच्या परिसरात तेवढी त्यांची कामगिरी दिसते. इतर ठिकाणी मात्र वाहतुकीवर नियंत्रण नाही. त्यामुळे शहरात लहानमोठे अपघात ही बाब नित्याची झाली आहे. काही दिवसांपूर्वी एक विद्यार्थिनी सुसाट वाहनाची बळी ठरली होती. हा प्रकार थांबविणे पोलीसविभागासाठी आव्हान ठरत आहे. (तालुका प्रतिनिधी)

काँग्रेसने विधान परिषद आणि लोकसभेत अल्पसंख्याक समाजाला स्थान दिले नव्हते ...

सर्वच नेतेमंडळींसोबत त्यांचे सहकारी आणि कार्यकर्ते मोठ्या संख्येने हजर होते ...

निवडणुकीच्या उमेदवारी अर्जासोबतच प्रत्येकाने आपली संपत्ती जाहीर केली आहे ...

या हल्ल्याचे वृत्त कळताच लष्कराने मोठी कुमक त्या भागात पाठविली आहे ...

"महाविकास आघाडीच्या सरकारला कटकारस्थान रचून पाडण्याचे काम करण्यात आले" ...

ज्या २३ जागांवर तिढा होता त्यापैकी १३ जागांवर निर्णय झाला. दहा जागांवरील तिढा कायम असल्याचे फडणवीस म्हणाले. ...

विद्यमान पाच आमदारांचा समावेश नाही ...

या प्रकरणाची पुढील सुनावणी येत्या ६ नोव्हेंबरला होणार आहे ...

शरद पवार गटाची पहिली ४५ उमेदवारांची यादी जाहीर; अहेरीत धर्मरावबाबा आत्राम विरुद्ध कन्या भाग्यश्री ...

शिवडी मतदारसंघात नाराजीनाट्य, अजय चौधरी यांना उमेदवारी दिल्याने ठाकरे गटातील सुधीर साळवी समर्थक संतापले ...