Latest Marathi News | Breaking News in Marathi | Live News in Marathi | Marathi News Headlines | लोकमत ताज्या बातम्या | मराठी बातम्या | ताज्या मराठी बातम्या लाईव्ह | मराठी लेटेस्ट न्यूज

फळविक्रेत्यांचा बंद : वाहतुकीच्या कोंडीतून नागरिकांना दिलासावर्धा : शहरातील लोकमान्य टिळक किरकोळ भाजी व फळ मार्केटमधील दुकानदारांनी रस्त्यावरच हातगाड्या, दुकाने लावली होती. परिणामी, बाजार ओळीतील प्रत्येक मार्गावर अतिक्रमित दुकानांची संख्या वाढली. यामुळे रस्ते निमूळते होऊन वाहतुकीचा खोळंबा झाला. याबाबत नगर परिषदेने रितसर नोटीस बजावून तसेच इशारा आणि मुदत देऊन अतिक्रमण हटविण्याची कारवाई केली. या विरोधात हातठेला व फुटपाथवरील व्यावसायिकांनी मोर्चा काढून आपला व्यवसाय बंद ठेवल्याने भाजी बाजाराने बुघवारी मोकळा श्वास घेतला.भाजी व फळ विक्रेत्यांकरिता शहरात टिळक मार्केट आणि बजाज चौकातील भाजी बाजार आहे. तसेच बाजार ओळीतील प्रत्येक रस्त्यावर हातगाड्या लावून भाजी, फळ यासह अन्य वस्तूंची विक्री केली जाते. प्रत्येक मोठ्या दुकानांसमोर लागणाऱ्या वा बंड्या, वा छोटेखानी दुकाने वाहतुकीला अडथळा ठरतात. रस्ते निमूळते होत असल्याने ये-जा करणाऱ्या नागरिकांना त्रास कराव्या लागतात. शिवाय बाजारपेठेचा श्वासही घुसमटतोय.प्रत्येक मार्गावर लागणारी ही अतिक्रमित दुकाने शहर विद्रुप करीत होती. पालिका प्रशासनाने अनेकदा अतिक्रमण हटविण्याचा प्रयत्न केला; पण विक्रेत्यांच्या विरोधामुळे येथील रस्ते मोकळे होऊ शकले नाही. नगर परिषदेच्या मुख्याधिकारी अश्विनी वाघमळे यांनी मात्र शहरातील अतिक्रमण हटविण्याचा निर्धार केला. टिळक मार्केटची पाहणी करण्यात आली. या परिसरात जागा असल्याचे निष्पन्न झाले. यामुळे सर्व किरकोळ भाजी व फळ विक्रेत्यांना तत्सम नोटीस बजावण्यात आल्या; पण कुणीही रस्त्यावरची जागा सोडली नाही. यानंतर इशारा कारवाई करण्यात येऊन जागेची मोजणी करण्यात आली. पट्टे पाडून देत त्यांना जागा देण्यात आली; पण यानंतरही रस्ते मोकळे होत नव्हते. परिणामी, अतिक्रमण हटविण्याची कारवाई करण्यात आली. या कारवाईमुळे येथील बाजारओळीतील रस्ते मोकळे झाले. वाहतूक सुरळीत झाल्याने नागरिकांनाही दिलासा मिळाला आहे.(कार्यालय प्रतिनिधी)