Latest Marathi News

पुणे : जिल्ह्यात १४ नगरपरिषदा व ३ नगरपंचायतीकरिता २ डिसेंबर आणि शनिवारी (दि. २०) मतदानप्रक्रिया पार पडली. आता या निवडणुकीकरिता रविवारी (दि. २१) सकाळी १० वाजता मतमोजणी सुरु होणार आहे. यासाठी जिल्हा प्रशासन सज्ज आहे, अशी माहिती जिल्हाधिकारी तथा जिल्हा निवडणूक अधिकारी जितेंद्र डुडी यांनी दिली आहे. बारामती नगर परिषदेसाठी २० टेबल व मतमोजणीच्या ६ फेऱ्या होणार आहेत. तर सर्वाधिक १० फेऱ्या आळंदी नगर परिषदेसाठी असतील.जिल्ह्यातील १२ नगर परिषदा आणि ३ नगर पंचायतींसाठी २ डिसेंबरला मतदान झाले. तर न्यायालयीन प्रक्रियेनंतर राज्य निवडणूक आयोगाने बारामती व फुरसुंगी उरुळी देवाची या दोन नगर परिषदा आणि ३ नगर परिषदांमधील १० वॉर्डांची निवडणूक शनिवारी (दि. २०) झाली. या सर्व ठिकाणी रविवारी (दि.२१) मतमोजणी होत आहे. त्यासाठी राखीव कर्मचारी मिळून एकूण ९१४ अधिकारी-कर्मचाऱ्यांची नेमणूक करण्यात आली आहे. निकालाच्या दिवशी कायदा व सुव्यवस्था बिघडू नये याकरिता पर्याप्त व पुरेसा पोलीस बंदोबस्त तैनात करण्यात असून त्याअनुषंगाने प्रतिबंधात्मक आदेश देण्यात आले आहेत.प्रत्येक निवडणूक निर्णय अधिकाऱ्यांनी त्यांच्या स्तरावरून मतमोजणी कर्मचाऱ्यांची नेमणूक करून त्यांना आवश्यक प्रशिक्षण देण्यात आलेले आहे. मतमोजणीसाठी प्रत्येक मतमोजणी केंद्रावर आवश्यक साहित्य उपलब्ध व व्यवस्था करण्यात आल्या आहेत. मतमोजणी केंद्रात प्रवेशाकरिता संबंधित कर्मचारी, उमेदवार व त्यांचे प्रतिनिधी तसेच माध्यमांच्या प्रतिनिधींना प्रवेशिकाही देण्यात आलेल्या आहेत. माध्यमांच्या प्रतिनिधींना फेरीनिहाय निकाल तातडीने उपलब्ध करून देण्याकरिता मतमोजणी केंद्रावर स्वतंत्र बैठक व्यवस्था (माध्यम कक्ष) तयार करण्यात आले आहेत.संपूर्ण मतमोजणी प्रक्रियेचा आढावा घेऊन अचूक व सुयोग्य पद्धतीने मतमोजणी प्रक्रिया पार पाडण्याकरिता काटेकोर नियोजन व रंगीत तालीम घेण्याबाबत सर्व निवडणूक निर्णय अधिकारी यांना सूचना दिल्या आहेत. त्याचबरोबर सुरक्षा व्यवस्थेचा आढावाही घेण्यात आला आहे, अशी माहिती डुडी यांनी दिली.नगर परिषद, पंचायत--टेबल -- फेऱ्याबारामती--२०--६लोणावळा--१३--८दौंड--१४--५तळेगाव दाभाडे--१४-६चाकण--१२--५जुन्नर--१०--३आळंदी--५--१०शिरूर--१२--४सासवड--११-४जेजुरी--१०--२भोर--५--५इंदापूर--१०--३राजगुरुनगर--१०--५वडगाव--७--४माळेगाव--१७--१मंचर--१०--३फुरसुंगी उरुळी देवाची--१६--८

‘दाढी काढा अन्यथा जीव देईन’ अशी धमकी पत्नी देत असल्याने येथील एक मौलवी धर्मसंकटात सापडले आहेत. ...

एका दलित तरुणीवर जामिनावर सुटलेल्या आरोपींनी पुन्हा बलात्कार केल्याचे प्रकरण उघडकीस आले ...

देशात जवळपास पाच लाख रस्ते अपघातांत एक लाख ४६ हजार लोकांना प्राण गमवावे लागले. ...

दहशतवादाचे समर्थन कोणीही करणार नाही. मात्र, काश्मीरमध्ये आजच्यासारखी गंभीर स्थिती तर १९९0 च्या दशकातही नव्हती ...

‘भारतरत्न’ या सर्वोच्च नागरी सन्मानाने गौरविलेल्या व्यक्तीने सार्वजनिक जीवनात कसे वागावे किंवा कसे वागू नये ...