Latest Marathi News

मेघालयच्या शिलांग येथून बेपत्ता झालेल्या इंदूर येथील नवजोडपे राजा रघुवंशी आणि त्याची पत्नी सोनम यांच्याबाबत नवा खुलासा समोर आला आहे. ज्यादिवशी हे जोडपे गायब झाले त्यादिवशी त्यांच्यासोबत अन्य ३ युवक होते. स्थानिक गाईडने तपासात ही बाब समोर आणली. २३ मे रोजी हे जोडपे बेपत्ता झाले होते. त्यानंतर २ जून रोजी एका खोल दरीत राजाचा मृतदेह सापडला तर त्याची पत्नी सोनम अद्यापही गायब आहे. तिचा शोध पोलिसांकडून सुरू आहे.४ जण हिंदीत बोलत होते...मावलाखियातचे गाईड अल्बर्ट पॅड यांनी सांगितले की, मी त्या जोडप्याला ३ युवकांसोबत २३ मे रोजी सकाळी १० वाजता नोंग्रायितच्या मावलाखियात येथे ३ हजाराहून अधिक पायऱ्या चढताना पाहिले होते. मी त्या जोडप्याला ओळखत होतो कारण एक दिवसाआधीच त्यांना मी नोंग्रायात येथे माझी सेवा ऑफर केली होती परंतु त्यांनी विनम्रपणे त्यास नकार दिला होता. चार पुरुष पुढे चालले होते तर महिला मागे होती. चौघेही हिंदीत बोलत होते परंतु ते काय बोलत होते हे कळले नाही, कारण मला केवळ खासी आणि इंग्रजी येते असं त्याने सांगितले.तसेच त्या चौघांनी शिपारा होमस्टे येथे मुक्काम केला. दुसऱ्या दिवशी सकाळी विना गाईड ते परतले. जेव्हा मी मावलाखियात इथं पोहचलो तेव्हा त्यांची स्कूटर तिथे नव्हती असा जबाब अल्बर्ट यांनी पोलिसांना दिला आहे. इंदूरच्या जोडप्यांनी भाड्याने घेतलेली स्कूटर मावलाखियातच्या पार्किंग स्थळापासून खूप लांब सोहरारिम येथे आढळली. त्याला चावी तशीच होती. या संपूर्ण घटनेत अद्याप सोनमला काहीच थांगपत्ता नाही.CCTV फुटेज आले समोरशिलांगमध्ये बेपत्ता झालेले सोनम आणि मृत राजा रघुवंशी यांचे २३ मे रोजीचे सीसीटीव्ही फुटेज समोर आले आहे. जे पोलिसांनी पाहिले. साडे चार मिनिटांच्या या व्हिडिओत राजा आणि सोनम आधी स्कूटरवरून लगेज घेऊन होमस्टे ठिकाणी येतात. सोनमच्या हातात सफेद रंगाची बॅग होती. राजा स्कूटर उभी करून होम स्टेला पोहचला तर सोनम बाहेर स्कूटरजवळ उभी होती. सोनमच्या हातात मोबाईल होता जो तिने स्कूटरच्या सीटवर ठेवला. राजा रिसप्शनवर जात चौकशी करून बाहेर सोनमजवळ येतो. फुटेजमध्ये त्यांच्या मागे लाल रंगाची एक कार नजरेस आली. राजाने फुटपाथवरच बॅग उघडली. त्यात सोनमने लाल आणि काळ्या रंगाचे जॅकेट, लोअर काढून ठेवले. राजा आणि सोनम होमस्टेमध्ये जातात. सोनम पुन्हा पर्स स्कूटरच्या डिक्कीत ठेवते आणि एकटीच बसते. त्यानंतर स्कूटरच्या पुढे ठेवलेली बॅग घेऊन दोघे आत येतात. त्यानंतर सोनम पुन्हा एकटी बाहेर जाते आणि फोनवर बघत बघत काही पाऊले पुढे चालते. त्यानंतर पुन्हा मोबाईल पाहत स्कूटरवर येऊन बसते. मग राजा सोनम तिथून निघून जातात.

तिसरे वर्ष : विद्यार्थ्यांचा ‘प्रोजेक्ट बंधन ...

येथील माध्यमिक शिक्षणाधिकारी कार्यालयात शनिवारी चक्क शिक्षकांचीच शाळा भरल्याचे चित्र दिसून आले. ...

चंद्रपूरच्या इतिहासात १२५ वर्षांमधील गणेशोत्सव जातीय सलोखा, धर्मा-धर्मात आनंद देणारा ठरला आहे. ...

गोदावरी-नासर्डी पात्रातून हटविला १३०० टन कचरा ...

महाराष्ट्र प्रोटेक्शन आॅफ इंटरनॅशनल सिक्युरिटी २०१६ अ‍ॅक्टच्या निषेधार्थ आज शनिवारी येथील जटपुरा ... ...

वेकोलि व्यवस्थापनाने सिनाळा, नवेगाव, मसाळा, मसाळा तुकूम या गावातील शेतकऱ्यांच्या शेतजमिनी संपादित ... ...