Latest Marathi News

मुंबई - एकनाथ शिंदे यांना विधानसभेत बहुमत सिद्ध करावं लागणार आहे. राष्ट्रवादीचे सर्वेसर्वा शरद पवार यांनी मध्यावधी निवडणुकीचे संकेत दिले आहेत. पवार यांनी मुंबईत राष्ट्रवादीच्या पदाधिकाऱ्यांची महत्वपूर्ण बैठक घेतली. या बैठकीत निवडणुकांचे संकेत (Mid Term Elections) दिले असून नेत्यांनी तयार राहवे, अशा सूचनाही दिल्याचे समजते. राज्याच्या विरोधी पक्षनेत्यांच्या निवडीसंदर्भात बैठकीचं आयोजन करण्यात आलं होतं. त्यावरही, चर्चा झाली आहे. मात्र, डिसेंबर महिन्यात महाराष्ट्रात मध्यावधी निवडणूक होण्याचे संकेत पवारांनी दिले. विशेष म्हणजे डिसेंबर महिन्यात गुजरात आणि महाराष्ट्रात एकाचवेळी निवडणुका होणार होतील, असं भाकीत त्यांनी वर्तवल्याची माहिती आहे. यावरून भाजपाने निशाणा साधला आहे. "पेढे मिळाले नाही म्हणून इतका राग?" असा खोचक सवाल भाजपाने शरद पवारांना (Sharad Pawar) विचारला आहे. भाजपाचे नेते निलेश राणे (BJP Nilesh N Rane) यांनी आपल्या ट्विटर अकाऊंटवरून याबाबत एक ट्विट केलं आहे. "साहेबांना पेढे दिले नाही म्हणून इतका राग आला की रागात म्हणाले हे सरकार सहा महिने टिकेल. पेढे मिळाले नाही म्हणून इतका राग??" असं निलेश राणे यांनी ट्विटमध्ये म्हटलं आहे. शरद पवारांच्या या विधानामुळे राज्याच्या राजकारणाता आता पुन्हा भूकंप होतो की काय, अशी चर्चा रंगली आहे. दरम्यान, शिवसेनेतील शिंदे गटाने मोठा बंडाचा पवित्रा घेत भाजपसोबत सरकार स्थापन केलं. विशेष म्हणजे सोमवारी या सरकारला बहुमत सिद्ध करावं लागणार आहे. मात्र, तत्पूर्वीच शरद पवार यांनी मोठं विधान केलं आहे. त्यामुळे, अनेकांच्या भुवया उंचावल्या आहेत. यापूर्वी, दिल्लीचे मुख्यमंत्री अरविंद केजरीवाल यांनीही याच्याशीच मिळते-जुळते विधान ट्विटरवरुन केले होते.

दारूची अवैधरितया वाहतूक करणाऱ्या कारच्या चालकाने समोर उभ्या असलेल्या पोलिसांच्या खासगी वाहनाला धडक दिली. ...

निसर्गात पक्ष्यांचे स्थान अतिशय महत्त्वाचे असून या पक्ष्यांच्या संख्येत दिवसेंदिवस घट होत आहे. ...

येथील भाजपा कार्यकर्ता निखील कडू याला बुधवारी बेदम मारहाण करण्यात आली होती. या मारहाणीच्या निषेधार्थ ...

तालुक्यातील गणेशपूर व मांडगाव येथे घडलेल्या दोन घटनेत दोघांचा बुडून मृत्यू झाला. ...