Latest Marathi News

पुणे : नाना पेठेतील टोळीयुद्धातून गणेश विसर्जनाच्या पूर्वसंध्येला आयुष कोमकर याच्यावर गोळीबार करून पसार झालेल्या आंदेकर टोळीतील शिवम आंदेकरसह चौघांना गुजरात सीमेवरून अटक करण्यात आली होती. कोमकर खून प्रकरणात आंदेकर टोळीचा म्होरक्या बंडू आंदेकर याचा मुलगा कृष्णा आंदेकर हा अखेर पोलिसांना शरण आला. कृष्णा आंदेकर हा आयुष कोमकर हत्या प्रकरणात मुख्य आरोपींपैकी एक आहे. आता आयुष कोमकर हत्या प्रकरणात कृष्णा आंदेकरचा जवळचा शुटर मुनाफ पठाण याला अटक करण्यात आली आहे. या प्रकरणात एकूण अटक केलेल्या आरोपींची संख्या आता १४ झाली आहे. आयुष कोमकर हत्या प्रकरणात फरार आरोपी मुनाफ पठाण याला केली पोलिसांच्या गुन्हे शाखेने अटक केली आहे. मुनाफ पठाण याने पिस्टल पुरवल्याचे पोलीस तपासात निष्पन्न झाले आहे. आज पठाणला कोर्टात हजर केले जाणार आहे. कोमकर खून प्रकरणात मुनाफ पठाणचा हात असल्याचं निष्पन्न झाल्याने त्यालाही आरोपी करण्यात आले आहे. वनराज आंदेकर च्या खुनाचा बदला घेण्यासाठी जो कट रचला त्यामध्ये मुनाफ पठाण ही सहभागी होता. पठाण हा कृष्णा आंदेकरचा जवळचा शुटर आहे. या प्रकरणी गुजरात सीमेवरून शिवम उदयकांत आंदेकर (३१), अभिषेक उदयकांत आंदेकर (२१), शिवराज उदयकांत आंदेकर (२९) आणि माजी नगरसेविका लक्ष्मी उदयकांत आंदेकर (६०, सर्व रा. नाना पेठ) यांना अटक करण्यात आली होती. तर शरण आलेल्या कृष्णा आंदेकरला पोलिसांनी ताब्यात घेतले आहे. कोमकर खून प्रकरणात आंदेकर टोळीचा म्होरक्या सूर्यकांत उर्फ बंडूअण्णा आंदेकर (७०), त्याचा नातू तुषार नीलंजय वाडेकर (२७), स्वराज नीलंजय वाडेकर (२३), मुलगी वृंदावनी नीलंजय वाडेकर (४०), अमन युसूफ पठाण (२५), यश सिद्धेश्वर पाटील (१९), अमित प्रकाश पाटोळे (१९, सर्व रा. नाना पेठ) आणि सुजल राहुलू मेरगु (२०, आंध्र झार आळी, भवानी पेठ) यांना पूर्वीच अटक करण्यात आली आहे. आता मुनाफ पठाणलाही पिस्टल पुरवल्याप्रकरणी अटक करण्यात आली आहे. दरम्यान, ५ सप्टेंबर रोजी सायंकाळी आयुष कोमकर हा लहान भावाला क्लासवरून घेऊन साडेसातच्या सुमारास नाना पेठेतील हमाल तालमीजवळ असलेल्या सोसायटीत आला. तळमजल्यावर दुचाकी लावत असताना आयुषवर पिस्तुलातून बेछूट गोळीबार करून त्याचा खून करण्यात आला होता. याबाबत आयुषची आई कल्याणी (३७) यांनी समर्थ पोलिस ठाण्यात फिर्याद दिली. गुन्हा दाखल झाल्यानंतर बंडू आंदेकरसह साथीदारांना बुलढाणा परिसरातून अटक करण्यात आली. आंदेकर टोळीतील पाच आरोपी पसार झाले होते. गुन्हे शाखेचे पथके त्यांच्या मागावर होती. कोमकर खून प्रकरणात बंडू आंदेकरसह १३ आराेपींविरोधात मकोका अंतर्गत कारवाई करण्यात आली आहे. या १३ जणांना अटकही करण्यात आली आहे.

दुकान फोडून अडीच लाख लंपास ...

कळवण तालुक्यात दोघा शेतकऱ्यांची आत्महत्त्या ...

कोयना धरणातून कर्नाटक राज्याला पाणी सोडण्याचा निर्णय शासनाने तात्काळ मागे घ्यावा, अशी मागणी ...

महसूलमंत्री पाटील यांची माहिती : शेतकरी सक्षम करण्यावर भर ...

सुखदेव शिक्षण संस्थेतर्फे १८ तास वाचनाद्वारे महापुरुषांना अभिवादन ...

दर उतरले, तीनशे हेक्टर क्षेत्रातील द्राक्षे शिल्लक ...

फोर्ब्सने नुकतीच आशियातील 30 वर्षाच्या सेलिब्रिटींची यादी जाहीर केली आहे. ...

यंदाचं वर्ष सिंधुदुर्ग जिल्हा मुख्यालयाचे रौप्यमहोत्सवी वर्ष ...