Latest Marathi News

सांगली : वसंतदादा घराणे फोडल्याचा आरोप चुकीचा आहे. दादांच्या नातसून व जिल्हा बँकेच्या उपाध्यक्षा जयश्रीताई पाटील यांनी भविष्याचा व कार्यकर्त्यांचा विचार करून भाजपमध्ये प्रवेश केला आहे. त्यांचा प्रवेश जबरदस्तीने करायला त्या लहान मूल नाहीत, असे पालकमंत्री चंद्रकांत पाटील यांनी गुरुवारी स्पष्ट केले. खासदार विशाल पाटील यांची भाजपशी जवळीक वाढत असली तरी सध्या ते भाजपला हवेत अशी स्थिती नसल्याचे त्यांनी स्पष्ट केले.श्रीमती पाटील यांच्या भाजप प्रवेशानंतर खासदार विशाल पाटील यांनी दादा घराणे फोडल्याचा आरोप केला होता. त्याला प्रत्युत्तर देत पालकमंत्री पाटील म्हणाले की, जयश्री पाटील या लहान मूल नाहीत. त्यांना भाजपमध्ये जबरदस्ती आणले नाही. भवितव्याचा व कार्यकर्त्यांचा विचार करून त्यांनी भाजपमध्ये प्रवेश केला आहे. ही प्रक्रिया अनेक दिवस सुरू होती, असे त्यांनी स्पष्ट केले.खासदार विशाल पाटील यांची भाजपशी सलगी वाढल्याबद्दल विचारता पालकमंत्री पाटील म्हणाले, उपराष्ट्रपतिपदाची निवडणूक झाली आहे. त्यामुळे ते आता भाजपचे सहयोगी सदस्य होतील, अशी कोणतीही गोष्ट भविष्यात नाही. भाजपला हे खासदार हवेतच, असा प्रसंगदेखील भविष्यात येणार नाही. महापालिकेच्या कारभाराबाबत ते म्हणाले की, आयुक्तांचे चांगले काम आहे. काहींना विस्कळीत काम करण्याची सवय लागली होती. त्यांना आयुक्तांच्या कामाचा त्रास होऊ लागला आहे; पण नागरिकांना शहराच्या विकासाची शिस्त आवडते.

नंदुरबार शहरातील उड्डाणपुलावर अॅपे-रिक्षा आणि मोटारसायकल समोरासमोर धडून तीन जण जखमी झाल़े ...

केजरीवाल यांनी मोदींच्या पदवीसंदर्भात उपस्थित केलेल्या आरोपावरुन ते अडचणीत सापडले आहेत. ...

पर्यावरणावर घाला : सुरूरजवळ आठ वृक्षांच्या बुंध्यांना आग ...

शॉर्टसर्किट झाल्यामुळे लिंबू मळा, तसेच सागवानी झाडे जळून खाक झाल्याची घटना नेमाणे शिवारात घडली. ...