Latest Marathi News

डिप्पी वांकाणी , मुंबईशीना हत्याकांड प्रकरणात नवे खुलासे होत असताना आज इंद्राणीचे पती आणि शीनाचे वडील सिद्धार्थ दास प्रथमच समोर आले आहेत. दरम्यान, इंद्राणीने शीनाची जन्मतारीख चुकीची का नोंदविली याबाबत आता पोलीस तपास करीत आहेत.इंद्राणीने २००२मध्ये शीनाचे जन्म प्रमाणपत्र तयार केले होते. त्यानुसार शीनाची जन्मतारीख १९८९मधील दाखविण्यात आली आहे; पण शीनाचा जन्म ११ फेब्रुवारी १९८७चा असल्याचा दावा सिद्धार्थ दास यांनी केला आहे. इंद्राणीने शीनाची जन्मतारीख चुकीची का नोंदविली यावर आता तर्कवितर्क केले जात आहेत. पीटर व इंद्राणी हे जोडपे वर्षभरात एकदा किंवा दोनदा भारतात येत असे. ते जास्तीतजास्त लंडनमध्येच असायचे. मुंबईतील त्यांचे घरही त्यामुळे बहुधा बंदच असायचे, असे परिसरातील नागरिकांनी सांगितले. सूत्रांनी दिलेल्या माहितीनुसार इंद्राणी ही शीनाचे फेसबुक आणि ट्विटर अकाउंट वापरतहोती. यातून काही माहिती मिळते का याचा पोलीस तपास करीत असून, कदाचित तो महत्त्वाचा पुरावा ठरू शकतो.सूत्रांनी दिलेल्या माहितीनुसार, पोलीस आता सिद्धार्थ दास यांच्याकडून महत्त्वाची माहिती घेण्यासाठी प्रयत्नशील आहेत. पोलिसांना आता सिद्धार्थ दास यांचे डीएनए नमुने हवे असून, त्या माध्यमातून शीना आणि सिद्धार्थ यांच्या नात्यावर शिक्कामोर्तब करता येईल. दरम्यान, शीना आणि मिखाईलला मारल्यानंतर त्यांचे मृतदेह नेण्यासाठी ज्या दोन सुटकेस खरेदी करण्यात आल्या होत्या, त्या सुटकेसचा आकार शीना व मिखाईलच्या शरीररचनेशी मिळताजुळता आहे, हे विशेष....तर इंद्राणीला फाशी द्याशीना हत्याकांडानंतर प्रथमच समोर आलेले तिचे वडील सिद्धार्थ दास म्हणाले की, जर इंद्राणीने ही हत्या केली असेल तर तिला फाशी द्या.आपण इंद्राणीसोबत लग्न केले नव्हते, तर आम्ही लिव्ह इन रिलेशनशिपमध्ये होतो असा खुलासाही दास यांनी केला आहे. शीना व मिखाईल ही माझीच मुले असून इंद्राणी या मुलांची आई आहे, असेही त्यांनी स्पष्ट केले.शीना दहावीत असताना आपण तिच्याशी शेवटचे बोललो होतो. तर, मिखाईलशी काहीच संपर्क नव्हता. कोलकात्यात आपण लग्नानंतर स्थायिक झालो होतो आणि या भूतकाळात वळून पाहण्याची माझी इच्छाही नव्हती. पोलिसांना हवे ते सहकार्य करण्याची तयारी असल्याचेही दास म्हणाले.

शेतकरी संपाचे लोन आता चंद्रपूर जिल्ह्यातील कानाकोपऱ्यात पसरले आहे. या आंदोलनाला अनेक संघटनांचा पाठिंबा मिळत ... ...

जयंत पाटील : साखराळेत राष्ट्रवादीचे जिल्हाध्यक्ष विलासराव शिंदे यांना ‘समाज भूषण’ पुरस्कार ...

६ जून रोजी रायगडावर जमणार शिवभक्त ...

मनपा स्थायी समिती सभेत निर्देश; दोन नागरी आरोग्य केंद्रांच्या बांधकामाला मंजुरी ...

सध्या देशात बैलांसह गायींची खरेदी विक्री करून हत्या करण्यावर निर्बंध लागले आहे. ...

१०४ दवाखान्यांमध्ये आढळल्या होत्या त्रुटी : ‘सीएस’ कार्यालयात कागदपत्रे सादर ...

चौरास भाग म्हणून ओळखणाऱ्या कोंढा परिसरात सध्या शेतकऱ्यांचे उन्हाळी धान निघाले आहे. ...

जिल्ह्यात बंद संमिश्र ...