Latest Marathi News

अनेक एटीएम केंद्रात सुरक्षा गार्डच नाहीकेवळ सीसीटीव्ही कॅमरे लावून संबंधित यंत्रणा मोकळीचंद्रपुरातील एटीएम केंद्र कितपत सुरक्षित आहेत, हे पाहण्यासाठी लोकमतने शनिवारी आॅन द स्पॉट मोहीम राबवित शहरात फेरफटका मारून एटीएम केंद्रांची पाहणी केली. यावेळी काही बँकांच्या एटीएम केंद्रात सुरक्षा रक्षक तैनात असल्याचे दिसले. काही ठिकाणी तर बंदुकधारी सुरक्षा रक्षक दिसून आले. मात्र बहुतांश एटीएम केंद्रात सुरक्षा रक्षकच दिसून आले नाही. नव्हेतर सुरक्षा रक्षकाविनाच या केंद्रांचा कारभार सुरू असल्याची माहिती मिळाली.चंद्रपूर शहरात स्टेट बँक आॅफ इंडिया, बँक आॅफ इंडिया, पंजाब नॅशनल बॅक, बँक आॅफ महाराष्ट्र, बँक आॅफ बडोदा, आयसीआयसी बँक, आयडीबीआय बँक यासारख्या राष्ट्रीयकृत बँक आणि मध्यवर्ती सहकारी बँक, अर्बन बँक यासारख्या स्थानिक बँकांच्या शाखा चंद्रपुरात कार्यरत आहेत. पूर्वी याच बँकात येऊन ग्राहकांना आर्थिक व्यवहार करावे लागायचे. मात्र कालांतराने या बँकाचा व्यवहार वाढत गेला. ग्राहकांची संख्याही वाढली. आजच्या स्पर्धेच्या आणि धकाधकीच्या युगात ग्राहकांना केव्हाही पैशाची गरज भासू लागली. मात्र बँकाच्या वेळा निश्चित असल्याने त्या वेळात ग्राहकांना पैसे काढावे लागायचे. बँकेच्या व्यवहार संगणीकृत झाल्यानंतर बँकांनी ग्राहकांच्या सुविधांसाठी एटीएम केंद्र उघडले. यातून वाट्टेल त्यावेळी ग्राहकांना त्यांचे पैसे मिळेल, अशी व्यवस्था करण्यात आली.सद्यस्थितीत चंद्रपुरात विविध ठिकाणी स्टेट बँक आॅफ इंडिया, बँक आॅफ इंडिया, पंजाब नॅशनल बॅक, बँक आॅफ महाराष्ट्र, बँक आॅफ बडोदा, आयसीआयसी बँक, आयडीबीआय बँक यासारख्या बँकाचे एटीएम केंद्र अस्तित्वात आहेत. या एटीएम केंद्रात रोख रक्कम असल्याने व पैशाचे व्यवहार होत असल्याने सुरक्षा रक्षकांची २४ तास नियुक्ती करणे आवश्यक आहे. काही बँकांनी आपल्या एटीएम केंद्रात सुरक्षा रक्षक नियुक्त केले आहे. मात्र पूर्ण वेळ ते केंद्रात दिसून येत नाही.बहुतांश एटीएम केंद्राच्या कारभार तर सुरक्षारक्षकाविनाच सुरू आहे. केवळ एटीएममध्ये पैसे टाकण्यासाठी संबंधित बँकांचे वा एजन्सीचे कर्मचारी सुरक्षा गार्डसह या केंद्रात येतात. पैसे टाकून सर्वच निघून जातात. या ठिकाणी केवळ सीसीटीव्ही कॅमरे लावून संबंधित यंत्रणा मोकळी झाल्याचे दिसून येते. सुरक्षा रक्षक नसलेल्या एटीएम केंद्रात चोरीची वा कोणतीही अनुचित घटना घडली तर सीसीटीव्ही कॅमेऱ्याच्या मदतीने घटनेचा तपास सोपा होऊन आरोपींचा सुगावा लागू शकतो, हे मान्य केले तरी अशी घटनाच घडू नये, यासाठी अशा केंद्रात कुठलीही व्यवस्था नाही. परिणामी या एटीएम केंद्रांची सुरक्षा सध्यातरी धोक्यात असल्याचे दिसून येते.

वाढत्या प्रदूषणावर नियंत्रण ठेवण्यासाठी पालिका कठोर उपाययोजना करीत आहे. ...

पोलिसाला धमकावले ...

रणवीर पहिल्यांदाच 'उरी' दिग्दर्शक आदित्य धरसोबत काम करत आहे. ...