Latest Marathi News | Breaking News in Marathi | Live News in Marathi | Marathi News Headlines | लोकमत ताज्या बातम्या | मराठी बातम्या | ताज्या मराठी बातम्या लाईव्ह | मराठी लेटेस्ट न्यूज

उत्साहाला उधाण : जिल्हाभरात १८६३ मंडळांमध्ये स्थापनाअमरावती : गुरुवारी नवरात्रोत्सवाला सुरुवात होणार असून भाविकांच्या उत्साहाला यंदाही उधाण येणार आहे. जिल्ह्यात १८६३ मंडळे दुर्गोदेवीची स्थापना करणार आहे. या उत्सवादरम्यान कायद्या व सुव्यवस्था राखण्यासाठी पोलिसांचा तगडा बंदोबस्त केला आहे.गणेशोत्सव संपताच भाविकांना नवदुर्गा स्थापनेचे वेध लागले होते. त्यामुळे जिल्हाभरातील नवदुर्गा मंडळे तयारीला लागले होते. आता ही प्रतीक्षा संपली असून २५ सप्टेंबर रोजी नवरात्रीला सुरुवात होणार आहे. त्यामुळे बुधवारपासूनच भाविकांची धूम जिल्हाभरात पहायला मिळाली. अमरावती शहरात ४०५ तर ग्रामीण परिसरात १४५८ सार्वजनिक मंडळे दुर्गादेवीची स्थापना करणार आहेत. पोलीस आयुक्तालय हद्दीतील राजापेठ पोलीस ठाण्यांतर्गत ६१, कोतवाली २१, नांदगावपेठ ३०, फ्रेजरपुरा ५७, खोलापुरी गेट २९, नागपुरी गेट १४, बडनेरा ५७, वलगाव २३ आणि गाडगेनगर ठाण्यांतर्गत येणाऱ्या परिसरात १२ मंडळांमध्ये देवीची घटस्थापना होणार आहे.नवरात्रोत्सवादरम्यान अंबादेवी व एकवीरा देवी मंदिरात दरवर्षी भाविकांची प्रचंड गर्दी होते. त्या अनुषंगाने देवी मंदिर संस्थाकडून दर्शनार्थींसाठी विशेष सुविधा करण्यात आली आहे.