Latest Marathi News

किनवट (जि. नांदेड ) : शहरातील सुभाष नगर परिसरात गुप्त धन सापडल्याच्या अफवेमुळे एकच खळबळ उडाली. रात्रीच्या अंधारात एका घराच्या अंगणात खड्डा खोदला जात असल्याचे लक्षात येताच परिसरात नागरिकांची गर्दी जमली. "खरेच काहीतरी गुप्तधन सापडलंय का?" या चर्चांना उधाण आले. पोलिसांना देखील धाव घ्यावी लागली. चौकशी केली तेव्हा कुठे खरे कारण समोर आले. ही अफवा इतकी पसरली की, पोलिसांना स्वतः घटनास्थळी दाखल व्हावे लागले. पोलिस निरीक्षक देविदास चोपडे व त्यांच्या पथकाने तत्काळ त्या ठिकाणी भेट देऊन संपूर्ण परिस्थितीची पाहणी केली. प्राथमिक चौकशीत असे निष्पन्न झाले की, संबंधित व्यक्तीचे नातेवाईक आदिलाबाद (तेलंगणा) येथून आले असून, केवळ शौचालय बांधण्यासाठी खड्डा खोदण्यात येत होता.तथापि, खोदकाम रात्री करण्यात आले आणि त्या पार्श्वभूमीवर अफवा पसरवण्यात आल्याने पोलिसांनी सतर्कता दाखवली. “हा गुन्ह्याचा प्रकार नसला तरी शंका निघाल्यामुळे संबंधित व्यक्तीला ताब्यात घेऊन चौकशी करण्यात येईल. संपूर्ण प्रकाराची नोंद स्टेशन डायरीमध्ये करण्यात येणार आहे,” अशी माहिती निरीक्षक चोपडे यांनी दिली.दरम्यान, घटना उजेडात येताच सोशल मीडियावर चर्चांचा धुराळा उडाला. काहींनी या अफवेवर विश्वास ठेवत खड्ड्याचे फोटो शेअर केले, तर काहींनी या प्रकारावर टीका केली. हे प्रकरण गुन्हेगारी स्वरूपाचे नसले तरी अफवांनी शहरात गोंधळ माजवला. यामुळे स्थानिक प्रशासन आणि पोलिसांनी नागरिकांना अफवांवर विश्वास न ठेवण्याचे आवाहन केले आहे.

औंढा नागनाथ : तालुक्यात आता नव्याने महसुली तलाठी सज्जे वाढणार असून ही संख्या ४० पर्यंत जाणार आहे. ...

पानकनेरगाव :सेनगाव तालुक्यातील पानकनेरगाव येथे शौचालयाचे अनुदान मिळाले नसल्याने लाभार्थी हैराण झाले आहेत. ...