Latest Marathi News

पुणे : भरधाव डंपरच्या दुचाकीला धडक दिल्याने झालेल्या अपघातामध्ये महाविद्यालयीन तरुणाचा मृत्यू झाल्याची घटना सोमवारी सायंकाळी हडपसरमधील जेएसपीएम महाविद्यालय चौकात घडली. याप्रकरणी अपघातानंतर पसार झालेल्या डंपर चालकाविरुद्ध काळेपडळ पोलिसांनी गुन्हा दाखल केला आहे.अभिजित गणेश रेवले (वय १९, रा. संकेत विहार सोसायटी, फुरसुंगी, हडपसर -सासवड रस्ता) असे अपघातामध्ये मृत्यू झालेल्या दुचाकीस्वार महाविद्यालयीन तरुणाचे नाव आहे. याप्रकरणी अभिजित रेवलेचे भावजी कचन कराळे (४२) यांनी डंपरचालकाविरुद्ध फिर्याद दिली आहे.पोलिसांनी दिलेल्या माहितीनुसार, अभिजित हा एका महाविद्यालयात शिक्षण घेत होता. तो सोमवारी (७ सप्टेंबर) सायंकाळी सातच्या सुमारास दुचाकीवरून हडपसरमधील जेएसपीएम महाविद्यालय परिसरातून जात होता. त्यावेळी पुण्यश्लोक अहिल्यादेवी होळकर चौकात पाठीमागून आलेल्या भरधाव डंपरने त्याच्या दुचाकीला जोरदार घडक दिली. या अपघातात अभिजित गंभीर जखमी झाल्याने त्याला उपचारासाठी तातडीने रुग्णालयात दाखल करण्यात आले. मात्र, उपचारापूर्वीच त्याचा मृत्यू झाला. अधिक तपास पोलिस उपनिरीक्षक विनायक गुरव करत आहेत.

बारामती तालुक्यातील माळेगाव येथे सापडलेले नवजात बालक ६ महिन्यांपासुन त्याच्या आई वडीलांच्या प्रतिक्षेत आहे. ...

एकनाथ शिंदेंचे आश्वासन ...

अल्पसंख्यांक समाजाच्या सशक्तीकरणासाठी मोदी सरकारचा निर्णय ...

गावस्कर यांच्याबरोबर पीटरसननेही पंतला संधी द्यावी, असेच मत व्यक्त केले आहे. ...

सोनाली बेंद्रेने कॅन्सरसारख्या गंभीर आजारावर मात केली. ...

तुळींज पोलीस ठाण्यात डिझेल चोरण्याचा प्रयत्न करणाऱ्या फरार आरोपी विरोधात गुन्हा दाखल केला आहे ...

या मान्सूनमध्ये पुण्याजवळच्या या पाच किल्ल्यांना तुम्ही आवर्जुन भेट देऊ शकता. ...

सोनमच्या बर्थडे पार्टीतील ड्रेसची किंमत ऐकून सगळेजण थक्क झाले आहेत. ...