Latest Marathi News

मुंबई : दिल्लीमध्ये बुधवारी सूक्ष्म प्रदूषक कणांचे प्रमाण ४७२ एवढे नोंदविण्यात आले असून, महिन्याभरानंतरही दिल्ली आणि लगतच्या परिसराचा श्वास कोंडलेला आहे. आता केवळ दिल्लीच नाही, तर मुंबईसह नवी मुंबईही दिवसागणिक प्रदूषित होत असून, येथे उठत असलेल्या धूलिकणांमुळे नागरिकांचा श्वास कोंडला आहे. महत्त्वाचे म्हणजे, बुधवारी मुंबईत ठिकठिकाणची हवा समाधानकारक नोंदविण्यात आली असतानाच, मुंबईच्या तुलनेत नवी मुंबई प्रदूषित नोंदविण्यात आली आहे.नवी मुंबईत सूक्ष्म प्रदूषक कणांचे प्रमाण ३२१ पार्टीक्युलेट मॅटर आहे, तर मुंबईत ते ११४ पार्टीक्युलेट मॅटर आहे. दिल्लीसह लगतच्या परिसरातील वायुप्रदूषणाचे प्रमाण कमी करण्यासाठी तेथील सरकार सातत्याने प्रयत्नशील आहे. मात्र, अद्यापही त्यांना पुरेसे यश आलेले नाही. दिल्ली वरचेवर प्रदूषित होत असतानाच दुसरीकडे मुंबईसह लगतच्या परिसरातील हवादेखील प्रदूषित होत असल्याची नोंद ‘सफर’ या हवेची गुणवत्ता मोजत असलेल्या संकेतस्थळावर करण्यात आली आहे.मुंबई, नवी मुंंबईच्या या पूर्वीच्या नोंदी पाहिल्या असता, मुंबईतील बहुतांश म्हणजे अंधेरी, बीकेसी आणि माझगावसारखी ठिकाणे प्रदूषित म्हणून नोंदविली जात होती. मात्र, मध्यंतरी चक्रीवादळामुळे पडलेल्या पावसानंतर येथील हवेची गुणवत्ता समाधानकारक नोंदविण्यात आली.भारतीय हवामान शास्त्र विभागानेही याची नोंद घेत, पावसामुळे येथील धूलिकणांचे प्रमाण कमी झाल्याचे म्हटले होते. मात्र, असे असले, तरीदेखील भविष्यात थांबलेला पाऊस आणि वाहनांच्या धुरामुळे धूलिकणांत वाढ होईल आणि तापमानात वाढ होईल, अशीही शक्यता हवामान खात्याने वर्तविली होती. ही शक्यता वर्तवितानाच थंडीच्या ऋतूमध्ये धूलिकणांचे प्रमाण वाढेल, अशीही शक्यता वर्तविण्यात आली होती. दरम्यान, दिल्लीसारखी स्थिती मुंबईत नसून, समुद्राहून वाहते वारे मुंबईच्या हवेतील गुणवत्ता समाधानकारक ठेवण्यास मदत करत आहेत, याचा दाखला हवामान खात्याने दिला आहे.>...यामुळेच बिघडले नवी मुंबईचे वातावरणनवी मुंबईमध्ये सातत्याने सुरू असलेली बांधकामे, कारखाने, खाणकामे हे घटक हवेतील धूलिकणांमध्ये भर घालतात. केवळ हेच घटक नाहीत, तर वाहनांचे वाढते प्रमाण आणि त्यामुळे होणारे प्रदूषणही वातावरण आणखी वाईट करत आहे.हवेची गुणवत्ता(सूक्ष्म प्रदूषक कणांचे प्रमाण पार्टीक्युलेट मॅटरमध्ये)दिल्ली - ४७२ तीव्रनवी मुंबई - ३२१ अत्यंत वाईटअहमदाबाद - १९४ अंत्यत वाईटमुंबई - ११४ वाईटपुणे - ८८ मध्यमचांगली : ० ते ३०समाधानकारक : ३० ते ६०मध्यम : ६० ते ९०वाईट : ९० ते १२०अत्यंत वाईट : १२० ते २५०तीव्र : २५० ते ३८०नवी मुंबई - ३२१ अत्यंत वाईटबोरीवली - ९८ समाधानकारकमालाड - ९१ समाधानकारकभांडुप - ६३ समाधानकारकअंधेरी - १२२ मध्यमबीकेसी - १९९ मध्यमचेंबूर - ७० समाधानकारकवरळी - १८ चांगलीमाझगाव - ९५ समाधानकारक

साऊथचा सुपरस्टार प्रभासचं जगभरात चाहत्यांमध्ये किती क्रेझ आहे हे आपल्याला पहायला मिळालं आहे. ...

दक्षता जनजागृती सप्ताहातील उपक्रम ...

मुख्यमंत्री सहाय्यता निधी कक्ष बंद झाल्यानं अनेकजण हवालदिल ...

प्रियंका व निक जोनसने विकत घेतलेल्या नव्या घराची किंमत ऐकून तुम्ही व्हाल अवाक् ...

इंडियन प्रीमिअर लीगच्या ( IPL) पुढील मोसमाची मोर्चेबांधणीला जोरदार सुरुवात झाली आहे. ...

या प्रकरणी बांगूर नगर पोलीस अधिक तपास करत आहेत. ...

नाशिकच्या प्रसिद्ध गायिका गीता माळी मुंबईहून नाशिककडे परतत असताना झालेल्या भीषण अपघातात त्यांचे निधन झाले. ...