Latest Marathi News

परळी ( बीड ) : येथील रेल्वे स्टेशन परिसर हादरवून सोडणाऱ्या सहा वर्षांच्या चिमुकलीवर झालेल्या लैंगिक अत्याचार प्रकरणातील आरोपीस बीडच्या स्थानिक गुन्हे शाखेच्या पथकाने व परळीच्या संभाजीनगर पोलिसांनी अवघ्या काही तासांतच अटक केली. रविवारी दुपारी ही संतापजनक घटना घडली होती. त्यानंतर रोपीस रविवारी रात्चरी परळीच्या संभाजीनगर पोलिसांनी ताब्यात घेतले ,आणि सोमवारी पहाटे अटक केले. रेल्वे स्टेशन मधील सीसीटीव्ही फुटेज परळी रेल्वे सुरक्षा बल पोलिसांच्या सहकार्याने तपासून बीड स्थानिक गुन्हा शाखा आणि संभाजीनगर पोलिसांनी आरोपीला बरकत नगर येथील झमझम कॉलनीतून जेरबंद केले आहे. दररम्यान हे प्रकरण फास्टट्रॅक कोर्टात चालवावे, आरोपीस फाशीची शिक्षा द्यावी म्हणून ३ सप्टेंबर रोजी परळी शहर बंद चे आवाहन करण्यात आले आहे.रविवारी दुपारी परळी येथील रेल्वे स्टेशन परिसरात बाहेरून मजुरीसाठी आलेल्या कुटुंबातील सहा वर्षीय चिमुकलीवर एका नराधमाने अमानुष अत्याचार केला. घटनेनंतर आरोपी पसार झाला होता. यानंतर संभाजीनगर पोलीस ठाणे, परळी रेल्वे पोलीस ठाणे तसेच रेल्वे सुरक्षा बल (RPF) चे अधिकारी व कर्मचारी तातडीने घटनास्थळी दाखल झाले. या घटनेची माहिती तातडीने आरपीएफचे पीएसआय किशोर मलकुनाईक यांनी संभाजीनगर पोलीस ठाणे निरीक्षक धनंजय ढोणे यांना फोन द्वारे कळविली. तपासाची सूत्रे हाती घेत बीडचे जिल्हा पोलीस अधीक्षक नवनीत कावत ,अंबाजोगाई येथील उपविभागीय पोलीस अधिकारी ऋषिकेश शिंदे यांच्या नेतृत्वाखाली, स्थानिक गुन्हे शाखेचे पोलीस निरीक्षक शिवाजी बंटीवाड, संभाजीनगरचे पोलीस निरीक्षक धनंजय ढोणे, सहाय्यक पोलीस निरीक्षक अनिल शिंदे व पीएसआय किशोर मलकूनाईक (रेल्वे सुरक्षा बल), रेल्वे पोलीस ठाण्याचे पोलीस उपनिरीक्षक सोमनाथ वाघमोडे,परळी शहर चे पोलीस निरीक्षक रघुनाथ नाचन यांच्या मार्गदर्शनाखाली पोलिसांनी कसून शोधमोहीम राबवली. तपासाची चक्रे वेगाने फिरवत अवघ्या काही तासांत आरोपीला बेड्या ठोकण्यात पोलिसांना यश आले. दरम्यान, पीडित बालिकेला प्रथम परळी उपजिल्हा रुग्णालयात दाखल करण्यात आले होते. तिथून अंबाजोगाई येथे नेण्यात आले.सध्या तिच्यावर अंबाजोगाई शासकीय रुग्णालयात वैद्यकीय उपचार सुरू आहेत. याप्रकरणी संभाजीनगर पोलीस ठाण्यात रविवारी रात्री उशिरा गुन्हा दाखल करण्यात आलेला आहे. प्रकरण फास्टट्रॅक कोर्टात चालवापरळीत चिमुकलीवर हैवानी गैरकृत्य करणाऱ्या आरोपीला फाशीची शिक्षा झालीच पाहिजे यासाठी हे प्रकरण फास्टट्रॅक कोर्टात चालवा, तातडीने या वृत्तीचा बिमोड करा, या मागणीसाठी 3 सप्टेंबर रोजी परळी बंदचे आवाहन करण्यात आले आहे. या प्रकरणी परळी शहर पोलीस ठाणे येथे सोमवारी एक निवेदन देण्यात आले आहे. या निवेदनावर ॲड .अरुण पाठक ,योगेश पांडकर अतुल दुबे, ज्ञानेश्वर मुंडे, आकाश चव्हाण ,सोमेश्वर गीते यांच्या स्वाक्षऱ्या आहेत.

इंडियन प्रीमिअर लीग ( IPL)च्या मोसमाची उत्सुकता आतापासूनच शिगेला पोहोचली आहे. ...

स्कॉटलंड संघाने बुधवारी ICC Men's T20 World Cup Qualifier स्पर्धेच्या प्ले ऑफ लढतीत संयुक्त अरब अमिरातीवर दणदणीत विजय मिळवला. ...

पावसापासून बचावासाठी झाडाखाली आसरा घेणा-या दोन महिलांसह एका इसमाचा वीज कोसळून मृत्यू झाला. ...

राष्ट्रवादी काँग्रेसच्या विधीमंडळ नेतेपदी निवड झाल्यानंतर अजित पवार यांनी सर्वांचेच आभार मानले. ...

भारत विरुद्ध बांगलादेश ट्वेंटी-20 मालिका सुरू होण्यापूर्वीच पाहुण्यांना मोठा धक्का बसला. ...

याप्रकरणी तुळींज पोलिसांनी जबरी चोरीचा गुन्हा दाखल केला आहे. ...

वाघाेलीत रस्त्याच्याकडेला एका राॅडला गळफास घेऊन विवाहीतेने आत्महत्या केल्याची खळबळजनक घटना समाेर आली आहे. ...