Latest Marathi News

छत्रपती संभाजीनगर : महापालिकेने आज सकाळीच मुकुंदवाडी ते केम्ब्रिजपर्यंत व्यावसायिक मालमत्ता पाडापाडी सुरू केली आहे. या मोहिमेसाठी महापालिकेचे ३५० अधिकारी, कर्मचारी, ४०० पोलिस अधिकारी, कर्मचारी सकाळी दहा वाजताच या भागात दाखल झाले. केम्ब्रिजपर्यंत चौकापासून पाडापाडी सुरू करण्यात आली आहे. त्यानंतर चिखलठाणा आणि पुढे मुकुंदवाडीपर्यंत अतिक्रमण पाडण्यात येणार आहेत.६० मीटर रुंदीच्या आत येणाऱ्या मालमत्ता पाडण्यात येतील. निवासी मालमत्तांना १५ ऑगस्टपर्यंत महापालिका हात लावणार नाही. संबंधित मालमत्ताधारकांनी स्वत:हून आपल्या मालमत्ता काढून घेण्याची सूचना करण्यात आली आहे. अतिक्रमण हटाव विभागाचे प्रमुख संतोष वाहुळे यांनी सांगितले की, न्यायालयाने काही निवासी मालमत्ताधारकांना अगोदर ३१ जुलैपर्यंत अतिक्रमणे काढून घेण्याचे आदेश दिले होते. शुक्रवारी आणखी काही मालमत्ताधारकांनी खंडपीठात धाव घेतली. न्यायालयाने १५ ऑगस्टपर्यंत त्यांना वेळ वाढवून दिला आहे. व्यावसायिक मालमत्तांसाठी कोणतेही निर्देश नाहीत. त्यामुळे शनिवार दि. २८ जून रोजी सकाळी नऊ वाजताच पाडापाडी सुरू करण्यात येणार असल्याचे त्यांनी सांगितले. पाडापाडीसाठी वॉर्ड अधिकाऱ्यांच्या नेतृत्वाखाली स्वतंत्र पथके नेमण्यात आली असून, ६० मीटरनंतर शिल्लक राहणाऱ्या मालमत्ताधारकांना गुंठेवारीअंतर्गत पैसे भरण्याची विनंती करण्यात येईल.४०० पोलिस अधिकारी, जवानांचा कडेकोट बंदोबस्तआजपासून पूर्ववत होणाऱ्या अतिक्रमण पाडापाडीसाठी पोलिसांनी कडेकोट बंदोबस्त तैनात केला आहे. २ सहायक पोलिस आयुक्त, ६ पोलिस निरीक्षक, २० सहायक निरीक्षक, उपनिरीक्षक, ३०० अंमलदारांसह दंगा काबू पथकाच्या जवळपास १०० जवानांचा ताफा मनपाच्या अतिक्रमण विभागासोबत कायदा व सुव्यवस्था टिकवून ठेवेल. पोलिस आयुक्त प्रवीण पवार यांनी शुक्रवारी सायंकाळी या मोहिमेच्या अनुषंगाने वरिष्ठ पोलिस अधिकाऱ्यांची बैठक घेतली. त्यात आवश्यक सूचना करत बंदोबस्ताचा आढावा घेतला.

नोयन तोकीबोर शेख (वय २४) असे त्याचे नाव असून त्याच्याकडे निवडणूक आयोगाचे बनावट मतदार ओळखपत्र सापडले आहे. ...

केज तालुक्यातील त्या कुलपाची 'किल्ली' पोलिसांच्या हाती? ...

...दरम्यान, यापुढे मालमत्ता कर भरणाऱ्यांना दंडाचा दोन टक्के भुर्दंड सहन करावा लागणार आहे. ...

Appi Aamchi Collector : 'अप्पी आमची कलेक्टर' मालिकेत नवीन वर्षात खूप घडामोडी घडणार आहे. ...

गेल्या दोन महिन्यांपासून मुंबईत प्रदूषणाने कहर केला आहे... ...