Latest Marathi News

Mumbai Sessions Court: मुंबईच्या सत्र न्यायालयात मंगळवारी एका आरोपीने चक्क पोलिसावर हल्ला करून पलायन केल्याची धक्कादायक घटना घडली आहे. हॅरिसन अँथनी जोसेफ (४२) असे या आरोपीचे नाव असून, त्याच्यावर मकोकासारख्या गंभीर गुन्ह्याखाली कारवाई सुरू होती. भरदिवसा आणि कडक पोलीस बंदोबस्तात घडलेल्या या घटनेमुळे मुंबई पोलीस दलात मोठी खळबळ उडाली आहे.नेमकी घटना काय?मंगळवारी दुपारी हॅरिसन जोसेफ याला सुनावणीसाठी आर्थर रोड कारागृहातून सत्र न्यायालयात आणण्यात आले होते. कोर्ट रूम क्रमांक १० मधील सुनावणी संपल्यानंतर, पोलीस कॉन्स्टेबल प्रशांत श्रीमंत कांबळे हे त्याला पुन्हा लॉकअपकडे घेऊन जात होते. तिसऱ्या मजल्यावरून दुसऱ्या मजल्याकडे उतरत असताना, हॅरिसनने अचानक कॉन्स्टेबल कांबळे यांच्या हातावर जोरदार प्रहार केला. या अनपेक्षित हल्ल्यामुळे पोलिसाची पकड सैल झाली आणि याचाच फायदा घेत हॅरिसनने हातातील बेड्यांसह न्यायालयाच्या आवारातून पळ काढला.कोण आहे हॅरिसन जोसेफ?हॅरिसन जोसेफ हा क्रॉफर्ड मार्केटजवळील मुसाफिरखाना परिसरातील रहिवासी असून त्याच्यावर अनेक गुन्हे दाखल आहेत. मार्च २०२४ मध्ये किरकोळ वादातून त्याने आपल्या दोन साथीदारांसह एका बॅग विक्रेत्यावर एअर गनमधून गोळ्या झाडल्या होत्या. याप्रकरणी त्याच्यावर खुनाचा प्रयत्न आणि इतर गंभीर गुन्हे दाखल करण्यात आले होते.मकोकाची कारवाईत्याच्या गुन्हेगारी पार्श्वभूमीमुळे पोलिसांनी त्याच्यावर महाराष्ट्र संघटित गुन्हेगारी नियंत्रण कायद्यांतर्गत कठोर कारवाई केली होती. तो जानेवारी २०२५ पासून न्यायालयीन कोठडीत होता.पोलिसांकडून शोधमोहीम तीव्रआरोपी पसार झाल्याचे लक्षात येताच सत्र न्यायालयात तैनात असलेल्या पोलीस कर्मचाऱ्यांची एकच धावपळ उडाली. तातडीने न्यायालयाचे सर्व दरवाजे बंद करून शोध घेण्यात आला, मात्र तो सापडला नाही. याप्रकरणी आता कुलाबा पोलीस ठाण्यात हॅरिसन विरुद्ध गुन्हा दाखल करण्यात आला आहे. दुसरीकडे अशा संवेदनशील ठिकाणाहून आरोपी पसार होणे ही बाब वरिष्ठ पोलीस अधिकाऱ्यांनी अत्यंत गांभीर्याने घेतली आहे. आरोपीला पकडण्यासाठी स्थानिक कुलाबा पोलिसांसोबतच मुंबई गुन्हे शाखेची पथके तैनात करण्यात आली आहेत.

सार्वजनिक-खासगी-भागीदारी (PPP) तत्त्वावर या प्रकल्पाची अंमलबजावणी केली जाणार आहे. ...

चौकशीचा आदेश ...

आपल्या समर्थकांसह काँग्रेसमध्ये प्रवेश करण्याचा निर्णय घेतला आहे. ...

या निर्णयामुळे या वादग्रस्त प्रकल्पाच्या मार्गात पुन्हा तांत्रिक आणि पर्यावरणीय अडथळा निर्माण झाला आहे. ...

Today Daily Horoscope: जाणून घ्या, कसा असेल तुमचा आजचा दिवस..., काय सांगते तुमची राशी... ...

मेट्रो २बी मार्गिकेचा संपूर्ण मार्ग सुरू झाल्यावर मंडाळेपर्यंतचा प्रवास शक्य ...

भाजपने फोंड्यातील पोटनिवडणुकीत आपली सगळी शक्ती वापरली आहे. ...

अग्नेलो वालद्रिस याचे कोठडीतील मृत्यू प्रकरण ...