Latest Marathi News

बोरगाव मंजू : साक्षगंधाचा कार्यक्रम आटोपल्यानंतर लग्नाची तयारी सुरू असताना ऐन वेळेवर दहा लाखांची रक्कम मागितल्यामुळे लग्न मोडल्याचा प्रकार अंबिकापूर येथे उघडकीस आला. वधूपित्याने या प्रकरणी बोरगाव मंजू पोलिसात तक्रार नोंदविली असून, रिधोरा येथील कृषी सहायक संजय नारायण पातोंड याच्यासह तिघांविरुद्ध फसवणुकीचा गुन्हा दाखल करण्यात आला आहे. बोरगाव मंजू आरोपीचा शोध घेत आहेत. अंबिकापूर येथील एका शेतकर्याच्या मुलीचा विवाह कृषी सहायक असलेल्या संजय नारायण पातोंड याच्यासोबत ३0 मे २0१४ रोजी ठरला होता. आपल्या आर्थिक परिस्थितीची माहिती वधूपित्याने आधीच दिली होती. या सर्व गोष्टी वराकडील मंडळींनी मान्य केल्यात. यानंतर कपडे आणि सोने मुलगा आणि मुलीकडील मंडळी करणार यावर एकमत झाल्यानंतर ३0 मे २0१४ रोजी लग्नाची तारीख निश्चित करण्यात आली. सुनील वसतकार यांनी मध्यस्थाची भूमिका बजावली. वधूपिता लग्नाच्या तयारीला लागल्यानंतर वराकडील मंडळीपैकी संजय नारायण पातोंड, जागृती विद्यालयात शिक्षिका असलेल्या ललिता नारायण पातोंड व मेहकर येथे ग्रामसेवक असलेला सुरेश नारायण पातोंड यांनी हुंडा कमी झाल्याचे कारण पुढे करू न पुन्हा पाच लाखाचे सोने व पाच लाख नगदी अशी रक्कम मागितली असा आरोप तक्रारीत करण्यात आला. दहा लाख रुपयांचा हा खर्च आवाक्याबाहेर जात असल्याने वधूपिता हादरले. त्यांनी तत्काळ संजय पातोंड याच्याशी नातेवाइकाच्या मध्यस्थीने संपर्क केला; परंतु संजय, ललिता आणि सुरेश रा.सस्ती वाडेगाव यांनी वधूपित्याची विनंती धुडकावून लावली. साक्षगंध झाल्यानंतर हा प्रकार घडल्याने मुलीकडील मंडळींना धक्का बसला. अखेर वधूपित्याने बोरगाव मंजू पोलिसात तक्रार नोंदविली. पोलिसांनी तिघांविरुद्ध भादंविच्या कलम ४२0 ३४ नुसार गुन्हा दाखल केला आहे. या प्रकरणाचा तपास पोलिस निरीक्षक आव्हाळे करीत असून, आरोपींच्या शोधात पथक रवाना झाल्याची माहिती पोलिसांनी दिली

अरुणाचल प्रदेशात चीननं गाव उभारल्याचं सॅटलाईट फोटोंमधून आलं होतं समोर ...

जीभ अस्वच्छ असल्यामुळे तोंडात दुर्गंध येणे, श्वासांमधून दुर्गंधी, पचन क्रिया बिघडणं अशी लक्षणं दिसून येतात. ...

23 जानेवारीला वरूण व नताशाची हळद व मेहंदी सेरेमनी आहे. ...

लॉटरी विक्रेत्यानं जिंकले १२ कोटी; आता नवं घर बांधणार, कर्ज फेडणार ...

आरोपीने तरुणीचे ऑफिस गाठत भरदिवसा तिच्या पोटाला पिस्तुल लावत अपहरण केल्याची घटना घडली होती. ...