Latest Marathi News

कुर्डूवाडी : चालकाचे नियंत्रण सुटल्याने कार पिंपळनेर (ता. माढा) हद्दीतील कॅनोलमध्ये जाऊन पलटी झाली. या अपघातात दोघांचा पाण्यात बुडून मृत्यू झाला, तर एकजण जखमी झाला. हा अपघात गुरुवारी रात्री ११:३० वाजेच्या सुमारास झाला.शंकर उत्तम बंडगर (वय ४४), अनिल हनुमंत जगताप (वय ५५, दोघे रा. वडापुरी, ता. इंदापूर जि. पुणे), अशी मरण पावलेल्या दोघांची नावे आहेत. फिर्यादी सुरेश राजाराम जाधव (वय ४९) हा जखमी झाला आहे.याबाबत पोलिसांनी दिलेली माहिती अशी की, शंकर बंडगर यांच्या मुलाला मुलीचे स्थळ पाहण्यासाठी गुरुवारी गावातील अनिल हनुमंत जगताप व फिर्यादी सुरेश राजाराम जाधव हे तिघे एका कार (एम.एच. ४२/ बी.ई. ८९५४) मधून धाराशीव येथे गेले होते. मुलगी पाहण्याचा कार्यक्रम उरकून सायं ७वाजता वडापुरीकडे निघाले.दरम्यान रात्री ९ वा सुमारास चिंचगाव (ता. माढा) येथे एका हॉटेलमध्ये जेवण करून पुढे निघाले. कुईवाडी-टेंभुर्णी रस्त्यावर पिंपळनेरच्या हद्दीत कॅनॉलजवळून जाताना चालक शंकर बंडगर यांचा ताबा सुटला. कार रस्त्याच्या कडेला लोखंडी गार्डला घासत कॅनॉलमध्ये जाऊन पलटी झाली.चालकाच्या बाजूला बसलेले फिर्यादी सुरेश जाधव यांच्याही नाका तोंडात पाणी गेले. ते बाजूचा दरवाजा उघडून पाण्यातून बाहेर आले. फिर्यादी गाडीवर चढून रस्त्यावरून जाणाऱ्यांना ओरडून मदत मागितली. जमलेले काही लोक आणि हॉटेलमधील कामगार मदतीला धावले. त्यांनी फिर्यादीला बाहेर काढले.ट्रॅक्टरच्या मदतीने गाडी कॅनॉलमधून काढलीयावेळी पिंपळनेर पोलिस पाटील राहुल पेटकर, ढवळसचे पोलिस पाटील ज्योतीराम इंगळे व सोमनाथ डांगे यांचा ट्रॅक्टर बोलावून घेतले. ट्रॅक्टरला दोरी लावून कार बाहेर - ओढून काढली. त्यानंतर लॉक झालेले दोन्ही दरवाजे तोडून त्या दोघांना बाहेर काढले. खासगी रुग्णवाहिकेने कुडूवाडीतील ग्रामीण रुग्णालयात दाखल केले असता - उपचारापूर्वीच दोघांचा मृत्यू झाल्याचे डाक्टरांनी सांगितले.

Deepika Padukone and Ranveer Singh spotted mumbai airport : दीपिका आणि रणवीरचे एअरपोर्टवरचे फोटो सोशल मीडियावर व्हायरल झाले आहेत. ...

Maharashtra Break The Chain : कोरोनाच्या वाढत्या प्रादुर्भावाच्या पार्श्वभूमीवर महाराष्ट्रात लागू करण्यात आले आहेत निर्बंघ ...

IPL 2021: शाहबाझानं गोलंदाजीत दाखवली चमक; ७ धावांत तिघांना बाद करत सामना फिरवला ...

ही महिला एक सरकारी कर्मचारी असून तिने आरोप लावला आहे की, तिचा बॉस तिच्याशी गैरवर्तन करत होता. ...

आयटी सेवेची मागणी वाढल्याने यंदा कंपनी नवीन नोकर भरती करण्यावर भर देणार आहे. ...