Latest Marathi News

प्रशासनाचे दुर्लक्ष परिसरात अवैध धंदे कोण करणार बंदोबस्तआनंद शर्मा/शाहरुख खान नागपूरजिल्हाधिकारी कार्यालय परिसर अवैध धंद्याचा अड्डा झाला आहे. लोकमतच्या पथकाने जिल्हाधिकारी कार्यालय परिसरात सुरू असलेला हा प्रकार उघडकीस आणला. कार्यालय परिसरात उघड्यावर सिगारेट ओढली जात होती. ठिकठिकाणी दारूच्या रिकाम्या बॉटल पडलेल्या होत्या. कामाच्या वेळेत लोक जुगार खेळताना दिसले. त्याचबरोबर परिसरातील कचऱ्याचे ढिगारे बघून स्वच्छता अभियानाचा बोजवारा उडताना दिसला. वाहनांचे पार्किंग सुद्धा अस्ताव्यस्त होते.ठिकठिकाणी दारूच्या बॉटलकेंद्र व राज्य सरकारच्या विविध योजना राबविणाऱ्या जिल्हाधिकारी कार्यालय परिसरातील अनेक भागात दारूच्या रिकाम्या बॉटल आढळल्या. विशेष म्हणजे अर्जनवीस जिथे बसतात, त्याच्या जवळपास बॉटल दिसून आल्या. प्रशासन त्याकडे डोळेझाक करीत असल्याचे दिसून आले.उघड्यावर धुम्रपानसार्वजनिक ठिकाणी सिगारेट पिण्याला मनाई आहे. सर्वोच्च न्यायालयाने यासंदर्भात आदेश सुद्धा जाहीर केले आहे. परंतु जिल्हाधिकारी कार्यालय परिसरात या आदेशाचे सर्रासपणे उल्लंघन होताना दिसत आहे. लोकमतच्या पथकाला अनेक लोक उघड्यावर सिगारेट पिताना दिसून आले. अशा लोकांवर कारवाई करण्याचे कुठलेही प्रावधान कार्यालयात नाही.जागोजागी कचऱ्याचे ढिगारेपंतप्रधान नरेंद्र मोदी यांनी स्वच्छ भारत अभियनाचा नारा दिला. सुरुवातीला नागपुरात हे अभियान जोरात सुरू झाले. सातत्य नसल्याने त्याची अवस्था पहिल्यासारखीच झाली. जिल्हाधिकारी कार्यालय परिसराची सुद्धा स्वच्छतेच्या बाबतीत अतिशय वाईट अवस्था आहे. लोकमतच्या पथकाला परिसरात अनेक ठिकाणी कचऱ्याचे ढिगारे आढळून आले. मोकाट कुत्रेही परिसरात आढळून आले.

Kurla Bus Accident : सोमवारी आफरीनच्या नवीन नोकरीचा पहिलाच दिवस होता. ती कामावरून परतत असताना ही धक्कादायक घटना घडली. ...

Prajakta Mali: अभिनेत्री प्राजक्ता माळीचे लेटेस्ट फोटो चर्चेत आले आहेत. ...