Latest Marathi News

छत्रपती संभाजीनगर : मृग नक्षत्राचे पहिले आठ दिवस कोरडे गेल्यानंतर मराठवाड्यात पावसाला बऱ्यापैकी सुरुवात झाली अन् बळीराजा पेरता झाला. मागील आठ दिवसांत मराठवाड्यात एक लाख ४९ हजार ५०९ हेक्टरवर खरीप हंगामातील विविध पिकांची पेरणी झाली. मराठवाड्यातील खरीप हंगामातील पेरणीयोग्य एकूण क्षेत्राच्या २.३० टक्के क्षेत्रावर ही पेरणी असल्याचे कृषी विभागाकडून सांगण्यात आले.मे महिन्यात पाऊस मोठ्या प्रमाणात पडला. त्यामुळे शेतकऱ्यांना या कालावधीत शेतीच्या मशागतीची कामे करता आली नव्हती. मे मधील पावसाने उघडीप दिल्यानंतर शेतकरी मशागतीच्या कामाला लागले. मराठवाड्यात खरीप हंगामात तब्बल ४९ लाख ७३ हजार ७२ हेक्टर क्षेत्रावर शेतकरी विविध प्रकारच्या पिकांची पेरणी करतात. यात सर्वाधिक २२ लाख ९८ हजार १५५ हेक्टर क्षेत्र साेयाबीनचे आहे. आतापर्यंत ६७ हजार ५३९ हेक्टरवर सोयाबीनची पेरणी झाली. मराठवाड्यातील शेतकऱ्यांची दुसऱ्या क्रमांकाची पसंती कापसाला आहे. मराठवाड्यात सरासरी १४ लाख ७९ हजार ५३५ हेक्टरवर कापसाची लागवड केली जाते. कालपर्यंत १ लाख २९ हजार ८२७ हेक्टरवर कापूस लागवड करण्यात आली. नगदी पीक म्हणून मका पिकाची शेतकरी निवड करतात. मराठवाड्यातील ८ जिल्ह्यांत सुमारे अडीच लाख हेक्टरवर मका लागवड होते. यावर्षी आतापर्यंत मक्याची सरासरी पेरणी केवळ ३ टक्के झाली आहे. गेल्या काही वर्षांपासून तूर लागवड वाढत आहे. यंदा सुमारे साडेचार लाख हेक्टर क्षेत्रावर तूर लागवड होईल असा अंदाज कृषी विभागाने नोंदवला आहे. तुरीला आंतरपीक म्हणूनही शेतकरी पसंती देतात.जिल्हा----------- खरीप हंगामाचे क्षेत्र हेक्टरमध्ये------ आजपर्यंतचे पेरणी क्षेत्रछ. संभाजीनगर--६,८१ ९०३---२१०३३जालना-- ६,५११७३ ------२१७४८बीड--- ८,०८९४५ ------४८८५लातूर-- ५,८६१०१--- ७२९२धाराशिव-- ५,५४१६०--- ७२५९७नांदेड---७,६१५७६--- ११६४परभणी--- ५,१८४६८--- ११३८४हिंगोली-- ४,१०३९८--- ४०६सरासरी एकूण क्षेत्र ४९,६२७२७ हेक्टरप्रत्यक्ष पेरणी -- १४९५०९ हेक्टरप्रत्यक्ष पेरणीची टक्केवारी- २.३०

विवाहाशी संबंधित वादांमध्ये पुरुषही छळाला बळी पडतात, असं कर्नाटक उच्च न्यायालयाने म्हटलं. ...

Chandrapur : दोन आमदारांकडे शस्त्र परवाना नाही ...

Agriculture News : शहरी व ग्रामीण भागात मधमाशाबद्दल जनजागृती निर्माण करण्यासाठी 'मधमाशी साक्षरता' मोहीम सुरु केली आहे. ...