Latest Marathi News

कर्नाटकातील हसन जिल्ह्यातील बेलूर तालुक्यात एक धक्कादायक घटना उघडकीस आली आहे. येथे एका विवाहित महिलेने आपल्या पतीसह संपूर्ण कुटुंबाला विष देऊन हळूहळू मारण्याचा प्रयत्न केला. या प्रकरणामुळे संपूर्ण गावात खळबळ उडाली असून, पोलिसांनी संबंधित महिलेला अटक केली आहे.प्रेमसंबंधांमध्ये अडथळा येतो म्हणून घेतला टोकाचा निर्णयआरोपी महिलेचं नाव चैत्र (वय ३३) असून, ती केरळौर गावात राहते. तिचं गजेंद्र नावाच्या व्यक्तीसोबत १० वर्षांपूर्वी लग्न झालं असून, त्यांना दोन मुलेही आहेत. काही महिन्यांपूर्वी गजेंद्रला पत्नीच्या वागणुकीत बदल जाणवू लागला. फोनवर तासतास बोलणं आणि घरच्यांपासून दुरावा यामुळे त्याला संशय येऊ लागला.गजेंद्रने चौकशी केल्यानंतर समोर आलं की, चैत्रचे एका तरुणाशी प्रेमसंबंध होते. दोन्ही कुटुंबांनी या प्रकरणात हस्तक्षेप करून समेट घडवून आणण्याचा प्रयत्न केला. चैत्रनेही चूक मान्य करत पुन्हा तसं न वागण्याचं वचन दिलं. मात्र काही महिन्यांतच तिने आपल्या शेजाऱ्याशी – शिवू नावाच्या व्यक्तीशी नव्याने संबंध सुरू केले.हळूहळू विष देऊन हत्या करण्याचा कटगजेंद्रला त्याच्या प्रकृतीत सातत्याने बिघाड होत असल्याचं लक्षात आलं. त्याला थकवा, झोपेची समस्या, अशक्तपणा यासारखे त्रास होऊ लागले. त्यावेळी कोणतंही ठोस कारण समजत नव्हतं. अचानक गजेंद्रला पत्नीच्या बॅगेत काही संशयास्पद गोळ्या आढळल्या. त्याने त्या गोळ्या डॉक्टरकडे तपासण्यासाठी नेल्या. डॉक्टरांनी स्पष्ट सांगितलं की, त्या गोळ्या आरोग्यासाठी अत्यंत घातक असून त्यात विष आहे.पोलिसांकडून त्वरित कारवाई, आरोपी अटकेतचौकशी दरम्यान स्पष्ट झालं की, चैत्र हे विष केवळ पती गजेंद्रलाच नव्हे, तर त्यांच्या दोन मुलांना, सासू-सासऱ्यांनाही अन्नातून देत होती. तिचा उद्देश सर्वांना एकाचवेळी संपवण्याचा होता. योग्य वेळी हा प्रकार उघडकीस आल्याने सर्वांना तात्काळ रुग्णालयात दाखल करण्यात आलं आणि त्यांचे प्राण वाचले.या प्रकरणी बेलूर पोलीस ठाण्यात एफआयआर दाखल करण्यात आला असून, चैत्रला हत्येच्या प्रयत्नाच्या आरोपाखाली अटक करण्यात आली आहे. तिचा प्रियकर शिवू याच्याविरोधातही गुन्हा दाखल करण्यात आला असून त्याचा शोध सध्या सुरू आहे. पोलीस या संपूर्ण प्रकरणाची अधिक चौकशी करत असून, आरोपींवर कायदेशीर कारवाई सुरू आहे.

दुसऱ्या टप्प्यातील कामांचे प्रस्ताव केंद्राकडे पाठविले नाहीत ...

Walmik Karad : वाल्मीक कराड याची अचानक प्रकृती खालावली आहे, रुग्णालयात तपासणी दरम्यान त्याचा ईसीजी काढला आहे. ...

रोहित शर्मा आपल्या स्थानिक संघातील खेळाडूंसोबत सराव करून पुन्हा फॉर्ममध्ये परतण्यासाठी प्रयत्नशील दिसतोय. ...