Latest Marathi News

ठाणे : नेव्हल डॉकमध्ये कनिष्ठ तंत्रज्ञ अभियंता म्हणून काम करणाऱ्या रवी वर्माने भारतातील १४ पाणबुड्या आणि वेगवेगळ्या युद्धनौकांची नावांसह तपशीलवार माहिती व लोकेशन्स दोन पाकिस्तानी गुप्तहेर तरुणींना दिली. याप्रकरणी वर्माला ठाणे न्यायालयाने दोन दिवसांची पोलिस कोठडी दिली. दरम्यान, आपल्या मुलाला अश्लील मेसेज पाठवून यात कोणीतरी त्याला अडकविले असून, तो निर्दोष असल्याचा दावा वर्माच्या आईने शुक्रवारी केला.पहलगाम दहशतवादी हल्ल्यानंतर देशभरातून पाकिस्तानविरोधात संतापाची लाट उसळली होती. पंतप्रधान नरेंद्र मोदींनी पाकिस्तान व दहशतवाद्यांना थेट इशारा दिला होता, भारतीय सैन्यदलाने ' ऑपरेशन सिंदूर' राबवत पाकिस्तानला धडा शिकवला. त्याचवेळी हेरगिरी प्रकरणात हरयाणातील ज्योती मल्होत्रा या सोशल मीडिया इन्फ्लुएन्सरला अटक केली. मल्होत्रा प्रकरण ताजे असतानाच महाराष्ट्र एटीएसने २९ मे २०२५ रोजी संध्याकाळी पाकिस्तानसाठी हेरगिरी करीत भारतीय नौदलाची संवेदनशील माहिती पुरविल्याबद्दल रवी वर्माला अटक केली आहे. तो पाकिस्तानच्या पायल शर्मा आणि इस्प्रीत या दोन वेगवेगळ्या नावांनी चालविण्यात येत असलेल्या फेसबुक फ्रेंडच्या संपर्कात होता. याच फेसबुक अकाउंटवर त्याने पाणबुड्या आणि युद्धनौकांची माहिती पाठवली. नेव्हल डॉकमधील परिसरात मोबाइल नेण्यास बंदी असल्याने तो केवळ या जहाजांची ठिकाणे आणि अन्य माहिती दोघींना पाठवत होता.२ जनूपर्यंत पोलिस कोठडी मुंबई आणि ठाणे एटीएसच्या पथकाने शुक्रवारी चौकशी केल्यानंतर त्याची जिल्हा शासकीय रुग्णालयात वैद्यकीय तपासणी केली. ठाणे न्यायालयाने त्याला २ जूनपर्यंत पोलिस कोठडी सुनावली. त्याने आणखी कोणती माहिती दिली? त्याचे आणखी कोणाशी चॅटिंग झाले? याचा तपास सुरू आहे.माझा मुलगा निर्दोष रवीला कोणीतरी अश्लील मेसेज पाठवून त्याला जाळ्यात ओढले आहे. तो दोषी नसल्याचा दावा कळवा येथे राहणाऱ्या त्याच्या आईने केला. याच कारणाने त्याचे लग्न मोडल्याचे बोलले जाते. आपल्या मुलाच्या सुटकेसाठी पंतप्रधान नरेंद्र मोदी यांची आपण भेट घेणार असल्याचे रवीच्या आईने माध्यमांच्या प्रतिनिधींना सांगितले.

घळभरणीसाठी धरणस्थळावर आणलेल्या सर्व मशीनरी धरणग्रस्तांनी पिटाळून लावल्या. ...

रोनी बेगम १२ वर्षाची असताना भारतात आली होती ...

खडकीतील ३५ वर्षाच्या महिलेची खडकी पोलीस ठाण्यात फिर्याद... ...

रिअ‍ॅलिटी शोमध्ये सहभागी झाल्यानंतर काम मिळतं नाही असा आरोप आतापर्यंत अनेक कलाकारांनी केला आहे. ...