Latest Marathi News

कर्नाटकच्या कोडागू जिल्ह्यातील ताडियांडामोल डोंगरावर ट्रेकिंगदरम्यान बेपत्ता झालेली केरळची शरण्या तीन दिवसांनंतर रविवारी जिवंत सापडली. हत्तींचा वावर असलेल्या या घनदाट जंगलात शरण्या गुरुवारी रस्ता चुकली होती. तीन दिवसांपर्यंत ती जंगलात सतत चालत राहिली. तिच्याकडे फक्त अर्धा लीटर पाणी होतं आणि मोबाईलची बॅटरीही संपली होती. अशा कठीण परिस्थितीतही तिने कमालीची हिंमत दाखवली. जंगलातील काळोखी रात्र तिने कशीबशी घालवली. अखेर रविवारी पहाटे ५.३० वाजता ती जंगलातील एका निर्जन मंदिरात सापडली. परिसरातील आदिवासींनी बचाव पथकाला तिच्याबद्दल माहिती दिली होती. सुटकेनंतर ३६ वर्षीय शरण्याने सांगितलं की, "मी रस्ता चुकले होते, पण मला कधीच भीती वाटली नाही." केरळमधील कोझिकोड जिल्ह्यातील नाडापुरम येथील रहिवासी असलेली शरण्या एक आयटी प्रोफेशनल आहे. रविवारी रेस्क्यू झाल्यानंतर तिने ग्रुपपासून ताटातूट झाल्याची आणि तीन दिवस जंगलात काढल्याची पूर्ण गोष्ट सांगितली.कोडागू जिल्ह्यात मोठी शोध मोहीमशरण्या गुरुवारी ताडियांडामोलच्या जंगलात १५ लोक आणि एका गाईडसोबत चार किलोमीटर लांब ट्रेकवर निघाली होती. ताडियांडामोल हे १,७४८ मीटर उंचीवर असलेलं कर्नाटकचं तिसरं सर्वात उंच शिखर आहे. २ एप्रिल रोजी जेव्हा शरण्या बेस पॉईंटवर परतली नाही, तेव्हा कोडागू जिल्ह्यात मोठी शोध मोहीम राबवण्यात आली. वन विभागाने दिलेल्या माहितीनुसार, या मोहिमेत थर्मल इमेजिंग ड्रोन, मोबाईल फोन ट्रॅकिंग आणि श्वान पथकाची मदत घेण्यात आली.जंगलात कोणीतरी भेटेल या आशेने ती चालत राहिलीशरण्याने दिलेल्या माहितीनुसार, जेव्हा ती डोंगरावरून खाली उतरली तेव्हा तिला कोणीच दिसलं नाही. फोनची बॅटरी संपण्यापूर्वी तिने एका सहकाऱ्याशी संपर्क साधण्याचा प्रयत्न केला होता. रस्ता चुकल्यानंतर पहिल्या दिवशी ती संध्याकाळी ६.४५ वाजेपर्यंत चालत राहिली. अंधार पडल्यानंतर ती एका नाल्यापाशी उघड्या जागेवर थांबली. जंगलात कोणीतरी भेटेल या आशेने ती सतत चालत राहिली. बचाव पथकाच्या सदस्यांनी सांगितलं की, शरण्या रविवारी जंगलाच्या अशा दुर्गम भागात सापडली जिथे सहसा कोणीही जात नाही.

Banana Crop : केळी पिकावर कुकंबर मोझॅक विषाणूजन्य रोगाचा वाढता प्रादुर्भाव दिसून येत आहे. ...

सुस्वभावी नेतृत्वामुळे डॉ. भूषण गगराणी अनेक आजी- माजी सहकाऱ्यांच्या ह्रदयात त्यांचे मानाचे स्थान राखून आहेत. ...

UAE ने ३.५ अब्ज डॉलर्सचे कर्ज परत मागितल्याने पाकिस्तानी खासदार मुशाहिद हुसैन भडकले आहेत. ...