Latest Marathi News

अवघा देश क्षणभर स्तब्ध : अंतिम फेरीत धडक मारल्याची बातमी पसरताच उत्साहाला उधाण- ऑनलाईन लोकमतम्हसवड/पळशी (सातारा), दि. 13 - कधी चार स्पर्धक पुढे तर कधी पाच... कधी सात स्पर्धक पुढे तर कधी आठ.. मध्यंतरी सर्व स्पर्धकांना मागे टाकून प्रथम.. पुन्हा दुस-या व तिस-या क्रमांकावर झेप.. अशा क्षणाक्षणाला उत्कंठा वाढविणा-या रिओ ऑलिम्पिकच्या ३००० मीटर स्टीपलचेस स्पर्धेच्या पात्रता फेरीत ‘सातारा एक्स्प्रेस’ ललिता बाबरने अखेर चौथा क्रमांक पटकावून थेट अंतिम फेरीत धडक मारली. टीव्हीवर ललिताची ही धाव पाहताना देशवासियांच्या काळजाचा ठोकाच चुकला. काही क्षणासाठी लाखोजण स्तब्ध झाले. मात्र, अंतिम फेरीत धडक मारल्याची बातमी पसरताच सर्वत्र उत्साहाला उधाण आले. जिद्द व मेहनत करण्याचे बळ अंगात असले तर जगात कोणतीही गोष्ट अशक्य नाही, हे रिओ ऑॅलिम्पिक स्पर्धेत भारताचे प्रतिनिधित्व करणा-या ‘सातारा एक्स्प्रेस’ ललिता बाबरने दाखवून दिले आहे. शनिवारी सायंकाळी सुरू झालेला सामना पाहताना लाखो नागरिकांच्या काळजाचा ठोका चुकला. अंतिम फेरीत प्रवेश झाल्यानंतर माणसह सातारा जिल्ह्यात अनेक ठिकाणी फटाके वाजवून आनंदोत्सव साजरा करण्यात आला. (ललिता बाबरला ऑलिम्पिकचे तिकीट) ‘सातारा एक्स्प्रेस’ ललिताने देशाला पदक मिळवून देऊन भारताचे, सातारा जिल्ह्याचे व माण तालुक्याचे नाव मोठे करावे, यासाठी माण तालुक्यातील जनतेच्या वतीने देवाकडे धावा केला जात असून, ललिताने सुवर्णपदक मिळवावे, असे जिल्हावासीयांबरोबरच देशवासीयांना आशा आहे. (मराठी पताका फडकविण्यासाठी ‘रिओ’त धावणार ललिता बाबर)(ललिताने रचला इतिहास, ऑलिम्पिकची फायनल गाठणारी भारताची पहिली अॅथलीट) ज्यावेळी ललिता धावण्यासाठी ट्रॅकवर आली तेव्हा तमाम सातारकरांच्या नजरा ललिताच्या कामगिरीकडे लागल्या. सुरुवातीची चार मिनिटे ललिता सहा ते सात स्पर्धकांच्या मागे होती. मात्र, यानंतर ती सर्वांच्या पुढे आहे. ललिता अव्वल येणार अशी आशा असतानाच ती तिस-या क्रमांकावर आली. शेवटचा राउंड सुरू झाल्यानंतर मात्र सर्वांच्याच उत्कंठा वाढल्या. प्रथम पाच स्पर्धकांमध्ये ललिताने चौथा क्रमांक पटकावून थेट अंतिम फेरीत धडक मारली. तिने हे अंतर केवळ ९ मिनिट १९.७६ सेकंदात पूर्ण केले. आता १५ ऑगस्ट रोजी होणाºया अंतिम स्पर्धेकडे जिल्हावासीयांच्या नजरा लागल्या आहे. लोकमत महाराष्ट्रीयन ऑफ द ईअर पुस्काराने गौरव -ललिता बाबर लोकमत महाराष्ट्रीयन ऑफ द ईअर 2015 पुरस्काराची विजेती ठरली होती. क्रिडा विभागातील उत्कृष्ठ खेळाडूचा पुरस्कार ललिता बाबरला देण्यात आला होता. महाराष्ट्र आणि महाराष्ट्रीयनांना प्रगतीपथावर नेण्यात महत्वाची भुमिका बजावल्याबद्दल हा सन्मान करण्यात आला होता. मात्र पुरस्कार सोहळ्याच्या वेळी ललिता बाबर ऑलिम्पिकसाठी तयारी करत असल्या कारणाने उपस्थित राहू शकली नव्हती. मात्र तिच्या वतीने हा प्रतिष्ठीत पुरस्कार ललिता बाबरच्या आई-वडिलांनी स्विकारला होता. आई-वडिलांसह ग्रामस्थांचे शंभू महादेवाला साकडेरिओ ऑलिम्पिक स्पर्धेत भारताचे प्रतिनिधित्व करण्यासाठी सहभागी झालेल्या ललिता बाबरने अंतिम फेरीत धडक मारल्यानंतर ललिताच्या आई-वडिलांसह कुटुंबीय आणि शिंगणापूर पंचक्रोशीतील ग्रामस्थांनी शिखर शिंगणापूर येथे शंभू महादेवाला अभिषेक घालून ललिताला सुवर्णपदक मिळावे, असे साकडे घातले. ऑलिम्पिकमध्ये सुवर्णपदक मिळावे, यासाठी ललिताची आई निर्मला बाबर व वडील शिवाजी बाबर व आजपर्यंत तिला प्रत्येक अडचणीत साथ देत आलेले तिचे काका गणेश बाबर तसेच ज्यांनी तिला खेळाचे धडे दिले व राष्ट्रीय स्पर्धेपर्यंत स्वत: तिच्या बरोबर जाऊन तिला सहकार्य केले ते कन्या विद्यालयातील क्रीडा गुरू भारत चव्हाण, वनिता चव्हाण तसेच तिला प्रत्येकवेळी सहकार्य करत आलेले वीरभद्र्र कावडे व शिंगणापूर पंचक्रोशीतील ग्रामस्थ या सर्वांनी मिळून शिखर शिंगणापूर येथे शंभू महादेवाला अभिषेक घातला. रिओमध्ये ललिताने केलेल्या कामगिरीमुळे ललिता मोही या गावी आनंदाचे वातावरण असून, ललिता अंतिम फेरीही जिंकणारच, असा विश्वास बाबर कुटुंबीयांनी व्यक्त केला.

मराठा आरक्षणाच्या मुद्द्यावरुन तानाजी सावंत यांनी राष्ट्रवादी काँग्रेसला लक्ष्य केलं आहे ...

पुणेकराने पाण्याविषयी प्रश्न विचारला असता.... ...

विशेषत: राजकारणी, व्यावसायिक, उद्योगपती यासह युवा वर्गामध्ये चॉईस नंबर घेण्यासाठी चढाओढ असते... ...