Latest Marathi News

पश्चिम बंगालमधील वर्धमान जिल्ह्यात बस आणि ट्रकमध्ये धडक होऊन झालेल्या भीषण अपघातात १० जणांचा मृत्यू झाला. तर ३० जण जखमी झाले आहेत. भरधाव बस रस्त्याच्या कडेला उभ्या असलेल्या ट्रकवर जाऊन धडकली. ही धडक एवढी जोरदार होती की, त्यात बसच्या पुढच्या भागाचा चेंदामेंदा झाला. तसेच अनेक प्रवासी बसमध्ये अडकले.स्थानिक लोकांनी या अपघाताची माहिती त्वरित पोलिसांना दिली. तसेच मदत आणि बचाव कार्य सुरू केलं. गंभीर जखमी झालेल्या प्रवाशांना रुग्णवाहिकेतून वर्धमान मेडिकल कॉलेज आणि इतर जवळच्या रुग्णालयात दाखल करण्यात आले. प्राथमिक माहितीनुसार ट्रक रस्त्यावर उभा होता. मात्र या दुर्घटनेचं कारण अद्याप समोर आलेलं नाही. पोलिसांनी अपघाताचं कारण जाणून घेण्यासाठी स्थानिकांकडून माहिती गोळा करण्यास सुरुवात केली आहे.या घटनेची माहिती मिळताच वर्धमान जिल्हा प्रशासन आणि पोलीस अधिकाऱ्यांनी घटनास्थळी धाव घेतली. त्यानंतर क्रेनच्या मदतीने बसला ट्रकपासून वेगळं करण्यात आलं आणि आत अडकलेल्या प्रवाशांना बाहेर काढण्यात आलं.ट्रक रस्त्यावर कुठलीही सूचना न देता उभा करणे आणि मागून येणाऱ्या बसचा भरधाव वेग हे या अपघाताचे मुख्य कारण असावे, असा दावा स्थानिकांनी केला आहे. या प्रकरणी पोलीस तपास करत असून, अपघाताचं कारण जाणून घेण्यासाठी सीसीटीव्ही फुटेज तपासले जात आहेत.

पाणी संचय पातळीतील बांधकामे तातडीने हटवण्याच्या सूचना ...

खांडज शिवारातील विहिरीत एका अनोळखी पुरुषाचा मृतदेह तरंगताना आढळला. ...

Lhuan-dre Pretorius News: आयपीएल २०२५ मध्ये राजस्थान रॉयल्सची कामगिरी खूपच निराशाजनक राहिली आहे. ...

Protest Against Karachi Bakery Hyderabad: कराची बेकरीच्या व्यवस्थापनाने मुख्यमंत्र्यांकडे मागितली सुरक्षा. ...

सुसूत्रता आणण्यासाठी नियोजन : सर्वसाधारण होणार चार फेऱ्या ...