Latest Marathi News

अहमदनगर : नगर शहर स्थापना दिनाचे औचित्य साधून मोगलकालीन व निजामशाही कालीन ऐतिहासिक खजिना असलेले आलमगीर संग्रहालय सर्वांसाठी खुले करण्यात आले. या संग्रहालयामुळे शहराच्या ऐतिहासिक वैभवाचे जगभर प्रसारण होण्यास मदत मिळणार आहे. या निमित्ताने शहराच्या इतिहासावर आधारित तयार करण्यात आलेली चित्रफितही दाखवण्यात आली. शहर स्थापना दिनानिमित्त आलमगीर येथे निजामशाही कालीन अहमदनगर आणि मोगलकालीन अहमदनगर यावर आधारित ऐतिहासिक संग्रहालय उभारण्यात आले. विशेष म्हणजे मुगल बादशाह औरंगजेब ज्या बारादरी वास्तुत बसून राज्यकारभार करायचा त्याच वास्तुत हे संग्रहालय उभारण्यात आले. त्याचे उद्घाटन औरंगाबाद येथील मौलाना आजाद महाविद्यालयाचे इतिहास विभाग प्रमुख प्रा.डॉ. मिर्जा खिजर, डॉ.मौलाना सदरूल हसन नदवी, प्रा.डॉ.ईकबाल काजी, मौलाना अख्तर कासमी, राजाराम भापकर गुरुजी, पत्रकार भूषण देशमुख यांच्या उपस्थितीत करण्यात आले. यावेळी संस्थेचे प्रमुख शकूर शेख, इतिहास अभ्यासक फहिम सय्यद यांनी उपस्थितांचे स्वागत करून संग्रहालयाची माहिती दिली. काय-काय आहे संग्रहालयात आलमगीर संग्रहालयात बिबी चाँद सुलतानाचा मोगलांच्या हल्ल्यात शेवट कसा झाला याचा माहिती फलक लावण्यात आला आहे. मात्र याला कुठलाच ऐतिहासिक आधार नसून केवळ संभावनाच्या आधारे माहिती संकलित करून हा फलक बनवण्यात आला. या संग्रहालयात औरंगजेबाने स्वत: लिहिलेल्या पवित्र कुराण प्रतीसह हजारो दुर्मीळ ग्रंथ येथे पहावयास मिळणार आहेत. म्हैसूर सुलतान टिपू सुलतानच्या काळातील तलवारही येथे ठेवण्यात आली आहे. शहरातील सर्व ऐतिहासिक वास्तू त्यांची सचित्र माहिती, निजामशाहीतील सर्व बादशाह त्यांचा राजकीय प्रवास, मोगल बादशाह व त्यांचा कार्यकाळ, ऐतिहासिक नाणी, निजमाशाही दरबारातील सरदारांची माहिती आदी ऐतिहासिक खजिना येथे पहावयास मिळणार आहे. (प्रतिनिधी) नैसर्गिकपणे साचलेल्या पाण्यावर आधारित भूमिगत खापरी नळ पाणीपुरवठा योजना देशात सर्व प्रथम निजामशहाच्या काळात नगरमध्ये सुरू झाली. तसेच दक्षिणी उर्दूचा सर्वप्रथम ग्रंथ नगरमध्येच लिहिला गेल्याने या भाषेचे जन्मस्थानही नगरच आहे. याचा शहराला अभिमान असायला हवा. - प्रा.डॉ. मिर्जा खिजर, इतिहासाचे अभ्यासकनगर शहरात अलीकडच्या काळात संग्रहालयाची संख्या वाढत असल्याने नगरची संग्रहालयांचे शहर म्हणून नवीन ओळख होत आहे. ऐतिहासिक वस्तू संग्रहालय, रणगाडा संग्रहालय, आनंदऋषीजी संग्रहालय, मेहेरबाबा संग्रहालय, व्ही.आर.डी.ई. संग्रहालय, लष्करी संग्रहालय आणि आता आलमगीर संग्रहालय.

Chandrayaan-3: इस्त्रोने २ सप्टेंबर रोजी प्रज्ञान रोव्हरला तर ४ सप्टेंबर रोजी विक्रम लँडरला स्लीप मोडमध्ये ठेवले होते. ...

वाघाच्या संवर्धनासाठी शासनाकडून मोठ्या प्रमाणात प्रयत्न केले जातात. ...

सध्या गणेशोत्सव सुरू असल्याने त्यावर अंतिम निर्णय घेण्यास विलंब होत आहे. ...

Today's Horoscope: कसा असेल तुमचा आजचा दिवस? काय सांगते तुमची राशी, वाचा... ...

ग्राहक आता विविध आर्थिक उत्पादनांकडे झुकत आहेत. यामुळेच देशांतर्गत बचत कमी झाली आहे. ...

पैशांची तातडीची गरज भासल्यास तुम्ही त्यावर कर्ज घेऊ शकता. ...