Latest Marathi News

कोल्हापूर/इचलकरंजी : स्थानिक गुन्हे अन्वेषण शाखेच्या पथकाकडून इचलकरंजी येथील मंगळवार पेठमधील बनावट नोटा छपाईच्या कारखान्यावर बुधवारी छापा टाकला. छाप्यात भारतीय चलनातील २ लाख २४ हजार २०० रुपये किमतीच्या हुबेहूब बनावट नोटा, ७० हजार ७०० रुपयांच्या बनावट नोटा तयार करण्यास वापरलेले साहित्य असा एकूण २ लाख ९४ हजार ९०० रुपयांचा मुद्देमाल पोलिसांनी जप्त केला. याप्रकरणी अनिकेत विजय शिंदे (२४, रा. इचलकरंजी), राज रमेश सनदी (१९, रा. इचलकरंजी), सोएब अमजद कलावंत (१९) यांना अटक झाली आहे.स्थानिक गुन्हे शाखेचे पोलिस संतोष बरगे, प्रदीप पाटील यांना इचलकरंजीत नारायण टॉकीज परिसरात एक व्यक्ती बनावट नोटा चलनात आणत असल्याची माहिती मिळाली. त्यानुसार स्थानिक गुन्हे शाखेच्या पथकाने सापळा लावून कारवाई केली.कारवाईदरम्यान अनिकेत शिंदे याला ताब्यात घेतले. त्याची झडती घेतली असता खिशात बनावट नोटा आढळल्या. चौकशीदरम्यान त्याने राहत्या घरात बनावट नोटा छापत असल्याचे सांगितले. यासाठी दोन सहकारी मदत करीत असल्याची माहिती त्याने पोलिसांना दिली.रॅकेटची शक्यताकाही दिवसांपूर्वी गडहिंग्लज शहरातही बनावट नोटाचे प्रकरण उघड झाले होते. त्यानंतर आता इचलकरंजी शहरात बनावट नोटा छपाईचा छापखानाच सापडला आहे. यामुळे अशाप्रकारे बनावट नोटा छपाई करणे त्याची विक्री करणारे रॅकेट सक्रिय असल्याचा संशय पोलिसांना येत आहे. त्या दिशेने तपास करीत आहेत.२,२४,२०० रुपयांच्या बनावट नोटा तयार करण्यासाठीचे साहित्य जप्त.कमी श्रमात व कमी वेळेत जास्त पैसे मिळवायच्या उद्देशाने तिघा मित्रांनी एकत्र येऊन यू-ट्यूबवर नोटा छापण्याची माहिती घेतली. त्यानुसार साहित्याची जुळवाजुळव करून नोटा छापण्याचे काम सुरू केले. कार्डशिट पेपरवर नोट चिकटवून ती स्कॅनिंग करून त्याची प्रिंट काढणे, असे ते बनावट नोटा बनवत होते.

शासन शेतकऱ्यांना सक्षम करण्यास अपयशी ठरले ...

जाणून घ्या एका छोट्याशा गावातून Google पर्यंतचा प्रवास... ...

सोयाबीनचे पीक हातचे गेल्याने नुकसान भरपाईची मागणी ...

आरोग्य विद्यापीठाच्या कोल्हापूर विभागीय केंद्राचे उदघाटन ...

दरवर्षी मान्सूनच्या आधी व मान्सून संपल्यानंतर मुंबई विमानतळावरील रन-वेच्या देखभालीचे काम केले जाते. ...

Bridge Collapse: सोमवारी सकाळी मुंबई-गोवा महामार्गावरील उड्डाणपुलाचा काही भाग कोसळला ...