Latest Marathi News

बॉलिवूडचा किंग शाहरुख खानची मुलगी सुहाना खान बॉलिवूड डेब्यू करणार, अशी अनेक दिवसांपासून चर्चा आहे. अनेकदा अशा चर्चा झाल्यात आणि हवेत विरल्या. पण आता पुन्हा एकदा सुहानाच्या डेब्यूची जोरदार चर्चा सुरू आहेत. होय, याचे कारण म्हणजे आता एका बॉलिवूड अभिनेता आणि निर्मात्याने सुहाना खान लवकरच बॉलिवूडमध्ये पदार्पण करणार असल्याचा खुलासा केला आहे. तिच्यासोबत ‘बिग बॉस 13’मधील एक स्पर्धकही बॉलिवूडमध्ये पदार्पण करणार असल्याचे या अभिनेता व निर्मात्याने म्हटले आहे.सुहानाच्या डेब्यूबद्दल खुलासा करणारा हा अभिनेता व निर्माता कोण, तर केआरके अर्थात कमाल आर खान. कायम वादग्रस्त पोस्ट करून वाद ओढवून घेणा-या केआरकेने आता शाहरुख खानची मुलगी सुहाना खान लवकरच बॉलिवूड पदार्पण करणार असल्याचे म्हटले आहे.केवळ इतकेच नाही तर पहिल्या सिनेमात ‘बिग बॉस 13’ चा उपविजेता आसिम रियाज तिचा हिरो असल्याचेही म्हटले आहे. या दोघांना बॉलिवूड निर्माता करण जोहर लॉन्च करणार असल्याचेही त्याने त्याच्या ट्वीटमध्ये म्हटले आहे. ‘माझ्या सूत्रांच्या माहितीनुसार, निर्माता करण जोहर सुहाना खान आणि आसिम रियाजला त्याच्या ‘स्टुडंट ऑफ द इयर 3’साठी साइन करणार आहे, असे ट्वीट केआरकेने केले आहे. केआरकेचे हे ट्वीट सध्या सोशल मीडियावर खूप व्हायरल होत आहे. अर्थात याबद्दल करण किंवा आसिम रियाज यांच्याकडून कोणतीही अधिकृत माहिती मिळालेली नाही. आसिम आणि सुहानाच्या चाहत्यांनी मात्र केआरकेच्या या ट्वीटवर बऱ्याच कमेंट केल्या आहेत. आसिम रियाजला ‘बिग बॉस 13’ ने त्याला खूप मोठी लोकप्रियता मिळवून दिली आहे. डब्ल्यूडब्ल्यूई रेसलर जॉन सीना सुद्धा त्याचा चाहता झाला. जॉनने दोन वेळा आसिमचा फोटो त्याच्या सोशल मीडियावर शेअर करत त्याला जिंकवण्याचे आवाहन केले होते.

सोन्यासारखं लेकरू या आजोबांच्या डोळ्यादेखत बिबट्याने उचलून नेलं अन् क्षणात होत्याचं नव्हतं झालं. ...

icc odi world cup 2023 :इंग्लंड आणि पाकिस्तानला पराभवाची धूळ चारल्यानंतर अफगाणिस्तानने श्रीलंकेला देखील चीतपट केले. ...

राज्याचे मुख्यमंत्री एकनाथ शिंदे राज्यपाल रमेश बैस यांच्या भेटीसाठी राजभवन येथे दाखल झाले आहेत. ...

परराज्यातून आणलेल्या एक ना अनेक महागड्या विदेशी दारूचा साठा प्रभादेवीत जप्त करण्यात आला. ...

यात एका २७ वर्षीय महिला आणि २५ वर्षीय पुरुषाचा समावेश आहे... ...

X Creator Monetization: इलॉन मस्क यांनी X मॉनिटायझेशनबाबत नियमात बदल केले आहेत. ...

राजकीय पुढाऱ्यांबद्दल राज्यभरात मराठा आंदोलकांमध्ये संताप आहे. ...