Latest Marathi News

पुणे - पुण्यात गेल्या काही दिवसांच्या विश्रांतीनंतर पावसाने आज (गुरुवारी) सकाळपासून जोरदार हजेरी लावली. सकाळपासूनच शहरातील विविध भागांमध्ये संततधार सुरू झाल्याने नागरिकांची धांदल उडाली. हवामान विभागाने पुढील दोन ते तीन दिवस पुण्यात पावसाचा जोर कायम राहील, असा इशारा दिला आहे.दुपारी चार ते सहा या वेळेत पाषाण आणि शिवाजीनगर परिसरात सर्वाधिक पाऊस झाला असून या मुसळधार पावसामुळे वाहतूक कोंडी झाली. रस्त्यांवर अक्षरशः नद्यांचे स्वरूप आल्याने वाहनचालकांना मोठ्या अडचणींचा सामना करावा लागला. काही ठिकाणी घरांमध्ये पाणी शिरल्याच्या घटना घडल्या असून प्रशासनाकडून मदतकार्य सुरू आहे. नागरिकांना रस्त्यावर साचलेल्या पाण्यामुळे वाहनं चालवताना अडचणी आल्याचे व्हिडिओ सध्या सोशल मीडियावर चर्चेत आले आहे. पाषाण, शिवाजीनगर, मगरपट्टा परिसरासह अनेक भागांत पाण्याखाली गाड्या गेल्याचे चित्र या व्हिडिओत दिसून येत आहे. दरम्यान, पुण्यातील नागरिकांना पुढील काही दिवस सतर्क राहण्याचे आवाहन हवामान खात्याकडून करण्यात आले आहे.पावसाचे नोंदवलेले प्रमाण (मि.मी.)पाषाण – ७१.८शिवाजीनगर – ३६.२चिंचवड – १८.०मालिन – १७.५हवेली – १७.०हडपसर – १४.०लवळे – ६.५राजगुरुनगर – १.५मगरपट्टा – १.०

पर्यटन व्यावसायिकांची बैठक घेऊन त्यांच्या समस्या सावंत यांनी जाणून घेतल्या. ...

'तारिणी' मालिकेचा काल प्रोमो आला आणि सोशल मीडियावर तुफान व्हायरल झाला. ...

अनधिकृत उत्खनन करणाऱ्यांचे धाबे दणाणले ...

जी काही बंदी आणलेली आहे तिला आव्हान देण्याची तयारी प्रत्येकाने ठेवलेली आहे. ...

Radhika Yadav : राधिका यादव हत्या प्रकरणाचा तपास अजूनही सुरू आहे. पोलीस या प्रकरणाचा प्रत्येक अँगलमधून तपास करत आहेत. ...

ऑपरेशन सिंदूरनंतर आता भूदलासोबतच हवाई दलाचे सक्षम असणे किती महत्वाचे आहे, हे अधोरेखित झाले आहे. ...

प्रत्येक पक्षाचा असाच निर्णय हवा. ...