Latest Marathi News

वर्धा : फेबु्रवारी व मार्च महिन्यात झालेल्या अवकाळी पाऊस व गारपिटीने शेतकऱ्यांच्या पिकांचे मोठे नुकसान झाले होते. अशा शेतकऱ्यांच्या कर्जाचे पुनर्गठन करण्याच्या सूचना शासनाने केल्या आहेत. असे असले तरी बँकांकडून याकडे दुर्लक्ष करण्यात येत आहे. बँकांना या शेतकऱ्यांच्या कर्जाचे पुनर्गठन करण्याच्या सूचना देण्याच्या मागणीकरिता राष्ट्रवादी युवक काँगे्रसच्या कार्यकर्त्यांनी निवेदन सादर केले आहे.कर्जाचे पुनर्गठन करण्याच्या शासनाच्या सूचना असताना बँकेकडून शेतकरऱ्यांची पिळवणूक करण्यात येत आहे. शेतकऱ्यांना इंगाामाची जुळवाजुळव करण्याकरिता खासगी सावकाराच्या दारी जाण्याची वेळ आली आहे. या बाबीची दखल शासनाने घ्यावी व त्वरित पीक कर्जाचे पुनर्गठन करावे, अशा स्वरूपाचे निवेदन राष्ट्रवादी युवक काँग्रेसचे जिल्हाध्यक्ष संदीप किटे यांच्या नेतृत्वात देण्यात आले.रायुकाँने दिलेल्या निवदेनानुसार, ज्या शेतकऱ्यांचे गारपिटीमुळे नुकसान झाले आहे आणि ज्यांना शासनाने आर्थिक मदत दिली आहे. अशा शेतकऱ्यांनी २०१३-१४ मध्ये घेतलेल्या पीक कर्जाचे पुनर्गठन करण्याचे आदेश नुकतेच शासनाच्या सहकार विभागाने दिले आहेत. शिवाय या शेतकऱ्यांना थकीत कर्ज २०१४-१५, १५-१६ व १६-१७ या वार्षिक तीन हप्त्यात भरण्याची सवलत दिली आहे. सोबतच २०१४-१५ करिता पिककर्ज देण्याच्या सूचना शासनाने बँकांना केल्या आहेत. यासाठी २०१३-१४ या हंगामातील पीक कर्जाचे उपर्जित व्याज शासनामार्फत संबंधीत बँकाना अदा करण्यात येणार आहे. ज्या शेतकऱ्यांचे पीक कर्जाचे पुनर्गठन झाले, अशा शेतकरऱ्यांना २०१४-१५ या हंगामातील पीक कर्जाचे उपर्जित व्याज शासनामार्फत बँकांना अदा करण्यात येणार आहे. शासनाच्या या आदेशाला राष्ट्रीयकृत बँका अनभिज्ञता दाखवीत असून कर्जाचे पुर्नगठन व नवीन पीक कर्जाबाबत कुठलेही आदेश नसल्याचे राष्ट्रीयकृत बँका भासवित आहेत. यामुळे शेतकरी अडचणीत सापडला आहे. या गंभीर बाबीची शासनाने त्वरित दखल घेऊन राष्ट्रीयकृत बँकांना कर्जाचे पुर्नगठन करण्याचे आदेश द्यावेत शिवाय या हंगामाकरिता पिककर्ज द्यावे, अशा सूचना द्यावा, असे निवेदनात म्हटले आहे. निवेदन देतेप्रसंगी पं.स. उपसभापती संदेश किटे, किसान सभेचे जिल्हाध्यक्ष संजय काकडे, पिपरी मेघे ग्रा.पं.सदस्य अजय गौळकार, राविकॉ जिल्हाध्यक्ष राहुल घोडे, नरेश खोबे, प्रशांत ढगे, विशाल लोखंडे, अमिताभ अंसारी, परवेश शेख, दीपक चव्हाण, संयज कुनघटकर, संदीप दरणे, संदीप भांडवलकर, राजू बुधबावरे, विजय सावकर, अवधूत उडाण, रवी संगताणी, गजानन वानखेडे, पंकज कडू, राहुल तेलरांधे यांची उपस्थिती होती.(प्रतिनिधी)

रेसदरम्यान चार पायलटनी हवेतच बनवलेल्या ट्रॅकवर एकमेकांना मागे टाकण्याचा प्रयत्न केला. ...

एकूण ऑनलाइन ऑर्डर्सपैकी तब्बल तीन-चतुर्थांश वाटा नॉन-मेट्रो शहरांचा ...

चालू आर्थिक वर्षाच्या पहिल्या सहा महिन्यांत भारताने २४ देशांना केलेल्या निर्यातीत सकारात्मक वाढ नोंदवली आहे. ...

मंगळवारी बाजारात होणाऱ्या मुहूर्ताच्या सौद्यांनी आगामी काळातील बाजाराचा मूड कसा असेल याचे संकेत मिळणार आहेत. ...

अधिकाऱ्यांना वारंवार भेटून, अर्ज, निवेदन देऊनही जोडणी देण्यात आली नव्हती. ...

Rashi Bhavishya : जाणून घ्या, कसा असेल तुमचा आजचा दिवस..., काय सांगते तुमची राशी... ...

फ्रान्समधील ही सर्वात कमी वेळेतील सर्वात धाडसी चोरी आहे. ...