Latest Marathi News

नाशिक : नाशिक जिल्ह्यात द्राक्ष पिकासाठी अनुकूल परिस्थिती असूनही सततच्या होत असलेल्या अवकाळी पाऊस व आपत्तीमुळे द्राक्ष बागाईतदारांना संकटांचा सामना करावा लागतो आहे. त्यामुळे द्राक्षबागांच्या बचावासाठी द्राक्षबागांच्या प्लास्टिक आच्छादनाकरिता सहाय्य करण्यासाठी नवीन योजना सुरू करावी, अशी मागणी जिल्हाधिकारी कार्यालयात २०१५ खरीप पूर्व हंगामाच्या बैठकीस आलेल्या पालकमंत्री गिरीश महाजन यांच्याकडे निवेदनाद्वारे करण्यात आली.आमदार जाधव यांनी निवेदनात म्हटले आहे की, अवेळी पडणारा पाऊस, गारपीट, द्राक्ष पक्वतेच्या वेळी तपमानात झालेली घट, अति बाष्पाचे प्रमाण, तीव्र सूर्यप्रकाश आणि हवामानातील बदलामुळे द्राक्षबागेवर बरेचवेळा अनिष्ठ परिणाम होऊन द्राक्ष बागाईतदार शेतकऱ्यांना मोठ्या संकटांना सामोरे जावे लागत आहे. मात्र या संकटग्रस्त शेतकऱ्यांसाठी शासनाकडून पुरेसा निधी मिळत नसल्याने त्यांच्या बागा वाचविण्यासाठी प्लास्टिक आच्छादनाकरिता सहाय्य करण्यासाठी योजना सुरू करण्यात यावी. तसेच गेल्या वर्षात कांदा बि-बियाणे ६० टक्के खराब निघाल्याने शेतकरीवर्गाचे मोठ्या प्रमाणावर नुकसान झाले असल्याने पुढील वर्षात ते बियाणे प्रमाणित करून मगच त्याचे वितरण करण्यात यावे निवेदनात म्हटले आहे.राष्ट्रीय कृषी विकास योजनेंतर्गत दुष्काळसदृश परिस्थितीत बहुवार्षिक फळपिके वाचविण्यासाठी ज्या उपाययोजना करावयाच्या आहे. त्यासाठी शासनाकडून पुरेसा निधी उपलब्ध नाही. तसेच तेल्या रोगाच्या प्रादुर्भावामुळे जिल्ह्यातील डाळिंबाच्या क्षेत्रात घट होत आहे. त्याचबरोबर जिल्ह्यातील शेतकऱ्यांनी सन २०१० पासून कृषिपंपाच्या विद्युत कनेक्शनसाठी अनामत रक्कम भरल्या असताना त्यांना आजतागायत वीज कनेक्शन देण्यात आले नसल्याचे त्यांनी निवेदनात शेवटी म्हटले आहे.

Yavatmal : एक महिला कामगार जागीच मरण पावली तर इतर सात कामगार जखमी ...

पूर्ण क्षमतेने खटला लढवणार ...

'ही न्यायप्रविष्ठ बाब असल्याने मला फारसे काही बाेलायचे नाही' ...

मशीद बंदरजवळील कर्नाक पूल तीन दिवसांत वाहतुकीसाठी खुला होणार आहे. ...

शिक्षकांवर उपासमारीची वेळ : शिक्षकांचा वाली कोण? ...

धनुषच्या कुबेरा सिनेमाच्या स्क्रीनिंगदरम्यान ही धक्कादायक घटना घडली आहे. यामध्ये अनेक जण जखमी झाले आहेत ...

Indian Air Force Recruitment 2025 : यासाठीची अर्ज प्रक्रिया 11 जुलै 2025 पासून सुरू होईल... ...