Latest Marathi News

Chhagan Bhujbal Dhananjay Munde Latest news: ' धनंजय मुंडे यांना क्लीनचिट मिळाली, तर मी मंत्रिपदाचा राजीनामा देईन', असे विधान काही दिवसांपूर्वी मंत्रिपदाची शपथ घेतलेल्या छगन भुजबळ यांनी केले आहे. काँग्रेस फुटली त्यावेळी मला मुख्यमंत्रिपदाची ऑफर होती, पण मी शरद पवारांसोबत गेलो, असेही ते म्हणाले. 'लोकमत'चं WhatsApp चॅनल फॉलो करा!कॅबिनेट मंत्री छगन भुजबळ यांनी एबीपी माझा या वृत्तवाहिनीला दिलेल्या मुलाखतीत राजीनाम्याबद्दल विधान केले. भविष्यात धनंजय मुंडे यांना पुन्हा मंत्रिमंडळात स्थान मिळाले, तर भुजबळ काय करणार? असा प्रश्न छगन भुजबळ यांना विचारण्यात आला. भुजबळ म्हणाले, मी मंत्रिपदाचा राजीनामा देईनया प्रश्नाला उत्तर देताना छगन भुजबळ म्हणाले, "उद्या जर धनंजय मुंडेंना क्लीनचिट मिळाली, तर मी मंत्रिपदाचा राजीनामा देईन. धनंजय मुंडे यांना मंत्रिमंडळात घ्यायचं ठरलं, तर माझी काहीही हरकत नाही."वाचा >> एक कोटी ८४ लाखांचे प्रकरण दाबवण्यासाठी गृह खात्याचे गुप्त आदेश; अनिल गोटेंचा आरोप"मी या मंत्रिमंडळात पुन्हा आलोय. मला सन्मानाने परत बोलवलं. धनंजय मुंडे सगळ्यातून मुक्त झाले. त्यांची सगळी लाईन क्लिअर झाली, तर मी राजीनामा देईन", असे विधान छगन भुजबळ यांनी यावेळी केले. राजीनाम्याचा निर्णय मीच घेईनमंत्रिपद देताना या गोष्टीची चर्चा झाली होती का? असा प्रश्नही छगन भुजबळ यांना विचारण्यात आला. भुजबळ म्हणाले, "अशा पद्धतीची चर्चा होवो अथवा न होवो; राजीनाम्याचा निर्णय मीच घेणार."मंत्रिमंडळात डावलल्याने नाराज होते भुजबळदेवेंद्र फडणवीस यांच्या नेतृत्वाखाली महायुतीचे सरकार स्थापन झाले, तेव्हा भुजबळांचाही मंत्रिमंडळात समावेश असेल, असे समजले जात होते. पण, त्यांना संधी दिली गेली नाही. नाशिकमधून माणिकराव कोकाटे आणि नरहरी झिरवळ मंत्री बनले होते. पक्षाकडून मंत्रिमंडळात स्थान न देण्यात आल्याने छगन भुजबळ नाराज झाले होते. त्यानंतर त्यांनी जाहीरपणे याबद्दलची खदखद व्यक्तही केली होती. याच दरम्यान, संतोष देशमुख हत्या प्रकरण घडले. त्यात धनंजय मुंडेंचे निकटवर्तीय वाल्मीक कराड यांच्यावर आरोप झाले. आणि धनंजय मुंडेंना राजीनामा द्यावा लागला. या राजीनाम्यामुळे भुजबळांसाठी मंत्रिमंडळात संधी तयार झाली होती.

कलर्स मराठी वाहिनीवरील 'पिंगा गं पोरी पिंगा' ही मालिका चांगलीच चर्चेत आहे. ...

जुनी नंबरप्लेट घरी काढा, नंतरच एचएसआरसी प्लेट बसवण्यास जा; वाहनधारकांना मन:स्ताप ...

Interesting Facts : तुम्हाला वाचून आश्चर्य वाटेल की, एक ठिकाण असंही आहे जिथे लग्नाआधी संबंध ठेवणं चुकीचं मानलं जात नाही. ...

घटनास्थळी पोलीस दाखल झाले असून नेमके हे अर्भक कोणत्या रुग्णालयाने फेकून दिले याबाबत तपास सुरु आहे ...

अभिनेत्रीने सांगितला संपूर्ण घटनाक्रम ...