Latest Marathi News

मुंबई - एकनाथ शिंदे यांना विधानसभेत बहुमत सिद्ध करावं लागणार आहे. राष्ट्रवादीचे सर्वेसर्वा शरद पवार यांनी मध्यावधी निवडणुकीचे संकेत दिले आहेत. पवार यांनी मुंबईत राष्ट्रवादीच्या पदाधिकाऱ्यांची महत्वपूर्ण बैठक घेतली. या बैठकीत निवडणुकांचे संकेत (Mid Term Elections) दिले असून नेत्यांनी तयार राहवे, अशा सूचनाही दिल्याचे समजते. राज्याच्या विरोधी पक्षनेत्यांच्या निवडीसंदर्भात बैठकीचं आयोजन करण्यात आलं होतं. त्यावरही, चर्चा झाली आहे. मात्र, डिसेंबर महिन्यात महाराष्ट्रात मध्यावधी निवडणूक होण्याचे संकेत पवारांनी दिले. विशेष म्हणजे डिसेंबर महिन्यात गुजरात आणि महाराष्ट्रात एकाचवेळी निवडणुका होणार होतील, असं भाकीत त्यांनी वर्तवल्याची माहिती आहे. यावरून भाजपाने निशाणा साधला आहे. "पेढे मिळाले नाही म्हणून इतका राग?" असा खोचक सवाल भाजपाने शरद पवारांना (Sharad Pawar) विचारला आहे. भाजपाचे नेते निलेश राणे (BJP Nilesh N Rane) यांनी आपल्या ट्विटर अकाऊंटवरून याबाबत एक ट्विट केलं आहे. "साहेबांना पेढे दिले नाही म्हणून इतका राग आला की रागात म्हणाले हे सरकार सहा महिने टिकेल. पेढे मिळाले नाही म्हणून इतका राग??" असं निलेश राणे यांनी ट्विटमध्ये म्हटलं आहे. शरद पवारांच्या या विधानामुळे राज्याच्या राजकारणाता आता पुन्हा भूकंप होतो की काय, अशी चर्चा रंगली आहे. दरम्यान, शिवसेनेतील शिंदे गटाने मोठा बंडाचा पवित्रा घेत भाजपसोबत सरकार स्थापन केलं. विशेष म्हणजे सोमवारी या सरकारला बहुमत सिद्ध करावं लागणार आहे. मात्र, तत्पूर्वीच शरद पवार यांनी मोठं विधान केलं आहे. त्यामुळे, अनेकांच्या भुवया उंचावल्या आहेत. यापूर्वी, दिल्लीचे मुख्यमंत्री अरविंद केजरीवाल यांनीही याच्याशीच मिळते-जुळते विधान ट्विटरवरुन केले होते.

पंतप्रधान नरेंद्र मोदी यांनी आज अहमदाबादमध्ये मतदानाचा हक्क बजावला. ...

Nagpur : ‘एमडी’ पावडरची तस्करी करणाऱ्या दोन आरोपींना पोलिसांनी केली अटक ...

KP Green Engineering share: शेअर बाजारात मोठी घसरण झाली असली तरी मंगळवारी 'या' शेअरवर गुंतवणूकदारांनी उड्या घेतल्या. ...

आता नाईकांची नाराजी दूर झाल्याचे बोलले जात आहे. ...

दुपारच्या वेळी तापमानाचा पारा ४२ अंशावर पोहोचल्याने काही केंद्रावरील प्रतिसाद मंदावला होता. ...

ही घटना दुपारी एक वाजण्याच्या सुमारास घडली. यामुळे मतदान केंद्रावर प्रचंड गोंधळ उडाला होता. ...

कोलकाता नाईट रायडर्सच्या संघाचा कोलकाताच्या दिशेने प्रवास काही सोपा राहिला नाही. ...

पण असं पाऊल उचलण्याचं कारण खूप खास होतं. ...

ताळगाव मधील प्रत्येक मतदार केंद्रात लोकांनी गर्दी केली आहे. ...