Latest Marathi News

- सुनील चरपेनागपूर : खुल्या बाजारात कापसाचे दर एमएसपीपेक्षा कमी आहेत. कापसावरील ११ टक्के आयात शुल्क रद्द केल्याने कापसाचे दर आणखी दबावात आले. त्यामुळे शेतकरी सीसीआयला कापूस विकण्यास प्राधान्य देणार आहे. सीसीआयला कापसात ८ ते १० टक्के ओलावा हवा असताे तर सुरुवातीच्या कापसात किमान १६ ते २० टक्के ओलावा आढळून येताे. अशा परिस्थितीत सीसीआय ओलाव्याचे कारण पुढे करून शेतकऱ्यांकडील कापूस एमएसपीपेक्षा ३०० ते ६०० रुपये कमी दराने खरेदी करण्याची शक्यता निर्माण झाली आहे.या वर्षी खुल्या बाजारात कापसाचे दर प्रतिक्विंटल ६,५०० ते सात हजार रुपयांच्या आसपास राहणार आहेत. सीसीआयला कापसात ८ ते १० टक्के ओलावा हवा असताे. कापसातील ओलावा माती आणि हवामानावर अवलंबून असताे. पहिल्या दाेन वेच्याच्या कापसात ओलाव्याचे प्रमाण किमान १४ ते १६ टक्के आढळून येते. हा ओलावा कमी करण्यासाठी कुठलेही कृत्रिम साधन नसल्याने किमान डिसेंबर ते जानेवारीपर्यंत प्रतीक्षा करावी लागते. शेतकऱ्यांना ताेपर्यंत कापूस राेखून धरणे शक्य नसते. अशा परिस्थितीत ओलाव्याच्या टक्केवारीनुसार कापसाचे दर कमी करते किंवा अतिरिक्त अथवा लांब धाग्याचा कापूस मध्यम धाग्याचा असल्याचे दाखवून दर कमी करते. अधिक ओलावा-कमी दर आणि कमी ओलावा-अधिक दर असे सीयीआयच्या कापूस खरेदीचे सूत्र असल्याने ते याही वर्षी कायम राहणार आहे.कापसाची एमएसपीलांब धागा - ८ हजार ११० रुपये.मध्यम लांब धागा - ७ हजार ७१० रुपये.कापसातील माॅईश्चरऑक्टोबर ते नाेव्हेंबर - २० ते १६ टक्केनाेव्हेंबर ते डिसेंबर - १४ ते १२ टक्केजानेवारी ते फेब्रुवारी - १२ ते १० टक्केमार्च ते एप्रिल - १० ते ८ टक्केओलावानिहाय दर (शक्यता)८ टक्के - ८ हजार ११० रुपये९ टक्के - ८ हजार ३४ रुपये१० टक्के - ७ हजार ९३४ रुपये१२ टक्के - ७ हजार ८०३ रुपये३०० लाख गाठी कापूस खरेदी करणार काय?सीसीआयने सन २०२४-२५ च्या हंगामात देशभरात १०० लाख गाठी कापसाची खरेदी केली हाेती. या वर्षी कापसाचे दर एमएसपीपेक्षा किमान एक हजार ते १,२०० रुपयांनी कमी राहणार असल्याने नुकसान टाळण्यासाठी शेतकरी सीसीआयला कापूस विकणार आहे. देशात ३०० लाख गाठींपेक्षा अधिक कापसाचे उत्पादन हाेते. त्यामुळे सीसीआय एमएसपी दराने किमान ३०० लाख गाठी कापूस खरेदी करणार काय, असा प्रश्न उपस्थित हाेताे.नुकसान दाखवणार, भरपाई मागणारसीसीआयने देशात कापूस खरेदीची प्रक्रिया सुरू करीत जिनिंग-प्रेसिंग किरायाने घेण्यासाठी निविदा मागवल्या आहेत. जिनिंग मालकांसाेबत करार करून खरेदी सुरू करण्यासाठी त्यांना किमान दाेन महिने लागणार आहेत. सीसीआय लांब धाग्याचा कापूस मध्यम धाग्याच्या कापूस दरात खरेदी करेल आणि त्यांचे नुकसान टाळेल. दुसरीकडे वजनातील घट, अधिक दर व तत्सम बाबी दाखवून कापूस खरेदी ताेटा झाल्याचे दाखवेल आणि केंद्र सरकारला नुकसानभरपाई मागण्याची शक्यता बळावली आहे.

Donald Trump Assassination Attempt Investigation Updates: ट्रम्प यांच्यावर १३ जुलैला एका २० वर्षीय तरुणाने रॅलीमध्ये हल्ला केला होता ...

indw vs pakw asia cup 2024 : महिलांच्या आशिया चषकाची स्पर्धा यंदा श्रीलंकेच्या धरतीवर होत आहे. ...

विशाळगड घटनेच्या पार्श्वभूमीवर कोल्हापूर जिल्ह्यात कलम १६३ लागू ...

प्रसिद्ध अभिनेता वैभव मांगलेने सोशल मीडियावर शेअर केलेला एक व्हिडीओ चर्चेत आला आहे. ...

जामनगरमध्ये पार पडलेल्या प्री-वेडिंग फंक्शनमधील एक व्हिडीओ सध्या व्हायरल होत आहे. ...

ऐन सणासुदीच्या दिवशी नागरिकांना निर्जळीचा सामना करावा लागला. ...

Sudha Murthy Relationship Tips :महिलांसाठीही आर्थिक स्वातंत्र्य महत्त्वाचं आहे. ...