Latest Marathi News

पालघर, दि. २९ : नकली सोने तसेच हिरे देऊन लोकांची लाखो रू. ची फसवणूक करणाऱ्या टोळीवर पालघरच्या स्थानिक गुन्हे शाखेनी नालासोपारा एस.टी डेपोजवळ झडप घालून दोन आरोपींना अटक केली असून एका महिला आरोपीचा शोध सुरू असल्याची माहिती जिल्हा पोलीस अधिक्षिका शारदा राऊत यांनी पत्रकार परिषदेत दिली.नालासोपारा एस.टी डेपोजवळ एका कपड्याच्या व्यापाऱ्यास असली हिरे विक्री करायचे आहे असे भासवून चलाखीने बनावट हिरे देऊन लाखोंची फसवणूक करणारी टोळी येणार असल्याची विश्वसनीय माहिती स्थानिक गुन्हे शाखेला मिळाल्यानंतर पोलीस अधिक्षिका राऊत यांनी पो. नि. अशोक होनमाने, वसई युनिटचे सहा. पो. नि. साखरकर, पाटील, हवालदार महादेव वदेपाठक, शिवानंद सुतनासे, मंगेश चव्हाण, संदिप मोकल, मनोज मोरे, सचीन दोरकर यांनी दोन वेगवेगळी पथके नेमून सापळा रचला. २५ सप्टेंबर रोजी संध्याकाळी सहा वाजता हा व्यवहार सुरू असतानाच पोलीसांनी झडप घालून बाबुराव उमाजी भाटी उर्फ वाघरी (४१) रा. गांधीनगर गुजरात व पकाराम उर्फ प्रकाश उर्फ गोपाळ (२४) रा. जालोर राजस्थान यांना अटक केली. यावेळी या प्रकरणातील फिर्यादीना ६५५ नग हिरे खरे असल्याचे सांगुन खोटे हिरे दाखवून सुमारे १५ लाखांची फसवणूक करीत असताना त्यांना रंगेहात पकडले. यावेळी आरोपीजवळ ३९ लाख ३६ हजाराचे खरे हिरे, रू. ६५५० रू. चे नकली हिरे असा ३० लाख ४२ हजार ५५० रू. किंमतीचे हिरे सापडले. याच आरोपींनी ८ सप्टेंबरला खऱ्या सोन्याऐवजी खोटे सोने देऊन ९ लाख २५ हजारांची फसवणूक केली होती. या फसवणुकीतील ४ लाखांची रोख रक्कम हस्तगत करण्यात आल्याचेही राऊत यांनी सांगितले.

देवेंद्र फडणवीस यांनी बटेंगे ते कटेंगे या घोषणेला होत असलेल्या विरोधावरुन आता भाष्य केलं आहे. ...

Mike Tyson vs Jake Paul Fight: दिग्गज माइक टायसन आणि जेक पॉलच्या सामन्याकडे अवघ्या जगाचे लक्ष लागले आहे. ...

राष्ट्रीय आणि राज्यस्तरीय नेत्यांच्या सभांनी प्रत्येक मतदारसंघातील निवडणुकीचे मैदान गाजत आहे. ...

"...नाहीतर, अमित शहा हे दोन दोन, तीन तीन वेळा यासंदर्भात बोललेच नसते." ...

पुण्यातच नव्हे तर महाराष्ट्रात पहिल्यांदा हा पक्षी पहायला मिळाला असल्याचे जाणकारांनी सांगितले. ...

IPL च्या मेगा लिलावाआधी मॅक्सवेलचा हिट शो! टी-२० क्रिकेटमध्ये सेट केला नवा वर्ल्ड रेकॉर्ड ...