Latest Marathi News

कर्नाटकचे काँग्रेस आमदार एच. ए. इक्बाल हुसेन यांनी रविवारी (२९ जून २०२५) मोठा दावा केला आहे. त्यांच्या या दाव्यानुसार कर्नाटकात मोठा 'उलटफेर' होण्याची शक्यता आहे. कर्नाटकचे उपमुख्यमंत्री डीके शिवकुमार यांना पुढील दोन ते तीन महिन्यांच्या आत राज्याचे मुख्यमंत्री होण्याची संधी मिळू शकते, असे हुसेन यांनी म्हटले आहे. महत्वाचे म्हणजे, या वर्षाच्या अखेरपर्यंत कर्नाटकात नेतृत्व बदल होईल, अशी शक्यता वर्तवली जात असतानाच हुसेन यांचे हे विधान आले आहे. हुसेन हे शिवकुमार यांचे अगदी जवळचे मानले जातात.पीटीआयने दिलेल्या वृत्तानुसार, काँग्रेस आमदार हुसेन म्हमाले, हा विजय मिळवण्यासाठी कुणी संघर्ष केला? कुणी घाम गाळला? हे सर्वांनाच माहीत आहे. त्यांची (शिवकुमार यांची) रणनीती आणि कार्यक्रम आता इतिहास आहे. हुसेन रामनगर येथे पत्रकारांसोबत बोलत होते. यावेळी, शिवकुमार यांना मुख्यमंत्री होण्याची संधी होती? असा प्रश्न केला असता, हुसेन म्हणाले, मी अनुमानांवर विश्वास ठेवत नाही. आम्हाला खात्री आहे की, हायकमांडला परिस्थितीची जाणीव आहे आणि त्यांना संधी देण्यासंदर्भात योग्य वेळी योग्य निर्णय घेतला जाईल.यावर, डीके शिवकुमार या वर्षात मुख्यमंत्री होतील? असा प्रश्न केला असता, आमदार इकबाल हुसेन यांनी हो असे उत्तर दिले. एवढेच नाही तर, पुढील दोन ते तीन दिवसांत निर्णय होऊन जाईल, असे ते म्हणाले.दरम्यान, मुख्यमंत्री सिद्धरामय्या यांचे पुत्र तथा काँग्रेसचे विधान परिषद सदस्य आमदार यतींद्र सिद्धारामय्या यांनी मुख्यमंत्री बदलासंदर्भातील चर्चा केवळ अंदाज असल्याचे म्हणत फेटाळली होती. यावर हुसेन म्हणाले, "२०२३ च्या विधानसभा निवडणुकीनंतर काँग्रेस हायकमांडने सरकार स्थापन करण्याचा निर्णय घेतला, तेव्हा आम्ही सर्वजण दिल्लीत एकत्र होतो. सोनिया गांधी, राहुल गांधी आणि मल्लिकार्जुन खरगे यांनी निर्णय घेतला, हे सर्वांनाच माहित आहे आणि तेच पुढचा निर्णयही घेतील, तोवर आपल्याला प्रतीक्षा करावी लागेल.

१ जून राेजी जिल्हा परिषदेचे एकूण ८१ अधिकारी व कर्मचारी सेवानिवृत्त झाल्याची नाेंद करण्यात आली आहे. ...

सलमान खानच्या हत्येचा कट रचल्याप्रकरणात आणखी एका आरोपीला नवी मुंबई पोलिसांनी अटक केली आहे ...

Onion Bajarbhav : आज राज्यातील बाजार समितीमध्ये कांद्याची (Onion Market) 16 हजार 799 क्विंटलची आवक झाली. ...

लोकसभा निवडणुकीत भाजपात गेलेले आपचे आमदार शीतल अंगुराल यांनी आपला राजीनामा मागे घेतला आहे. ...

Crop Loan : यावर्षीही अनेक पिके आणि फळबागांच्या कर्जदरात वाढ करण्यात आली आहे. ...

Sikkim Assembly Election : सिक्कीम विधानसभा निवडणुकीत सिक्कीम क्रांतीकारी मोर्चाने सलग दुसऱ्यांदा दणदणीत विजय मिळवला आहे. ...