Latest Marathi News

प्रथमेश गुरव ल्ल वेंगुर्लेकोकण किनारपट्टीवरील रहिवाशांचा मुख्य व्यवसाय हा मच्छिमारीचा आहे. कित्येक वर्ष याच व्यवसायावर गुजराण करणाऱ्या मच्छिमारांवर पर्सनेटच्या सततच्या हस्तक्षेपाने मोठे संकट उभे राहिले आहे. समुद्र संपत्ती असणारी मच्छिची पिलावळ या पर्सनेटमार्फत ‘फस्त’ केली जात असल्याने मच्छिमारांसह येथील उद्योगांवर गंभीर संकटाची टांगती तलवार लटकत आहे. प्रशासनाने पर्सनेट धारकांसह सर्वच मच्छिमारांची जाळी नियम घालून ठरवून देण्याची नितांत गरज आहे, जेणेकरून तयार झालेली मासळीच जाळ्यात पकडली जाईल. अन्यथा भविष्यात येथील मच्छि व्यवसायाचा हकनाक बळी जाईल. यामुळे उद्योगाअभावी स्थानिक पातळीवर बेरोजगारी वाढण्याची भीती आहे.कोकण किनारपट्टीवरील बहुतेक रहिवाशांचा व्यवसाय हा मच्छिमारीचा आहे. हजारो कुटंबे याच व्यवसायावर गुजराण करतात. त्यामुळे मच्छिमारी व्यवसायाची परंपरा इथे शेकडो वर्षे अबाधित आहे. त्यामुळे भला मोठा फायदा का नसेना पण उदरनिर्वाहाएवढे उत्पन्न या व्यवसायातून मच्छिमारांना मिळते. साहजिकच हा व्यवसाय घराघरात मच्छिमारांनी अनेक आव्हाने पेलत सांभाळला आहे. दरम्यान, या मच्छिमारी व्यवसायाला परराज्यातील पर्सनेट धारकांची नजर लागल्याने स्थानिकांना मच्छी मिळण्यात अडचणी निर्माण होत आहेत. पर्सनेट धारक हे मच्छिमारांची डोकेदुखी ठरत असून, प्रशासनाच्या जाणीवपूर्वक दुर्लक्षामुळे पर्सनेटधारक दिवसेंदिवस बेडर होत आहेत. त्यामुळे येथील मच्छिमार अर्थिक कचाट्यात सापडत आहे. भविष्यात त्याच्यावर उपासमारीची वेळ आली तरी नवल वाटावयास नको.दरम्यान, पर्सनेट हे अतिसूक्ष्म म्हणजे एक सेमी लांबी-रूं दीची छिद्रे असलेले जाळे असल्याने त्याद्वारे मच्छिमारी करण्यासाठी ३५ वाव खोल व यापुढील समुद्राच्या भागात मासेमारी करण्यासाठी शासनाने घातलेला नियम (कायदा) धाब्यावर बसवून किनाऱ्यालगत १० वाव पाण्याच्या आतील भागात पर्सनेटधारक मच्छिमारी करतात. स्थानिकांच्या आवाक्यातील मच्छि पकडणाऱ्या पर्सनेट धारकांकरवी समुुद्रातील मच्छिची पिलावळही मारली जात आहे.पर्सनेटने मच्छिमारी करणारे चिंगुळ, पापलेट, बांगडा, सरंगा, शेंगाळे आदी जातीची थव्याथव्याने असलेल्या लाखो रूपयाच्या मासळीची लूट करत आहेत. पर्सनेट जाळ्यात सापडलेली मासळी बाहेर जात नाही. त्यामुळे यात छोटे मासेही मरतात. शिवाय मच्छिची पिलावळ पर्सनेटधारक मृतावस्थेतच समुद्रात टाकून जातात. त्यामुळे मोठ्या संख्येने रापण मच्छिमारीवर चरितार्थ चालवणारा मच्छिमार मत्स्य दुष्काळाच्या मोठ्या संकटात सापडत आहे.सिंधुदुर्ग जिल्ह्यालगतच्या गोवा व कर्नाटक राज्यातील पर्सनेटधारक सिंधुुदुर्गच्या किनारपट्ट्यांवर घुसखोरी करून मोठ्या प्रमाणात मासळी घेऊन जातात. त्याचा फटका येथील छोट्या मच्छिमारांना बसतो. याकडे लक्ष पुरवण्याची मागणी करण्यात येत आहे.छोट्या मच्छिमारांच्या उपजीविकेचा प्रश्नजून ते आॅगस्ट या दरम्यान माशांचा प्रजननाचा कालावधी असल्याने मत्स्यबंदी असते. तसेच पाऊस व वाऱ्याचे प्रमाणही जास्त असल्याने येथील छोटे मच्छिमार समुद्रात जाण्यास धजावत नाहीत. परंतु, शेजारील राज्यातील हे अत्याधुनिक ट्रॉलर्सधारक या कशाचीही पर्वा न करता येथील समुद्र किनाऱ्यावर घुसून मच्छिमारी करून याचा फायदा उठवतात. परिणामी, मत्स्य प्रजनन मोठ्या प्रमाणात न झाल्याने मासळीच्या प्रमाणात घट होऊन छोट्या मच्छिमारांना किंवा या रापणधारकांना मत्स्य दुष्काळाला सामोरे जावे लागते. तसेच त्यांच्या उपजीविकेचाही प्रश्न उद्भवतो.जाळीसाठी कडक निर्बंध आवश्यकपर्सनेट धारकांच्या बंदोबस्तासाठी प्रशासनाने कडक कारवाई केली पाहीजे, शिवाय मच्छिच्या जाळीसाठी कडक निर्र्बंध घातले पाहिजेत. अन्यथा भविष्यात मच्छिसह मच्छिमारांवर लटकणारी टांगती तलवार स्थानिकांवर कोसळली तर नवल वाटावयास नको. प्रशासनासह लोकप्रतिनिधींनी याकडे वेळीच लक्ष देणे गरजेचे आहे.कठोर कारवाईची गरजअत्याधुनिक तंत्रज्ञानाने मासेमारी करण्यासाठी शासन प्रोत्साहन देते. मात्र, अत्याधुनिक मासेमारी सर्वांनाच करणे शक्य नसते. अत्याधुनिक व नवीन तंत्रज्ञानाच्या मासेमारीसाठी ज्येष्ठ मच्छिमारांच्या अनुभवानुसार मासेमारीसाठीच्या समुद्रातील मर्यादेसंबंधी कायदा झाला, तरी शासनकाडून कायदा मोडणाऱ्यांवर कठोर कारवाई होत नाही. केवळ शुल्लक दंड शासनाकडून होतो.

संजय कपूर यांच्या ३०,००० कोटी रुपयांच्या मालमत्तेवरून सुरु असलेला वाद थांबवण्याचे नाव घेत नाहीये. ...