ए. वाय. पाटील यांच्याहस्ते अभ्यासिकेचे उद्घाटन

मोहडे (ता. राधानगरी) येथील विठूमाऊली संकुलाच्या अभ्यासिकेचे दीपप्रज्वलनाने उद्घाटन पाटील यांच्याहस्ते करण्यात आले. या उद्घाटनाच्या अध्यक्षपदी गोकुळचे संचालक किसन चौगले होते.

मुंबईचे पोलीस निरीक्षक अमर पाटील म्हणाले, जीवनात यशस्वी व्हायचे असेल, तर युवकांनी सतत विविध पुस्तकांचे वाचन केले पाहिजे. गावागावात अभ्यासिकेमध्ये जाऊन विविध पुस्तकांचे वाचन केले पाहिजे. सततच्या वाचनानेच आयुष्यात यश खेचून आणता येईल, एवढी ताकद निर्माण होते. अमर पाटील यांनी स्वखर्चाने ही अभ्यासिका आणि ग्रंथालय मोफत सुरू केले आहे.

यावेळी संजीवनी कदम, आबाजी पाटील, यशवंत पाटील, प्रकाश पाटील, एस. डी.पाटील, राधानगरी तालुका राष्ट्रवादीच्या तालुका उपाध्यक्षा मेघा पाटील, उद्योजक उदय शेळके, कृष्णात रायकर आदी उपस्थित होते. अजित रायकर यानी स्वागत केले. साक्षी पाटील यानी सूत्रसंचालन केले. के. डी. पाटील यानी आभार मानले.

फोटो ओळी :

मोहडे (ता. राधानगरी) येथे विठूमाऊली अभ्यासिकेचे उद्घाटन ए. वाय. पाटील, प्रा.किसन चौगले, अमर पाटील, आबाजी पाटील यांच्या उपस्थितीत झाले.