मुरगूडात सोमय्यांचे काळ्या झेंड्यांनी स्वागत

२८ सप्टेंबरला किरीट सोमय्या मुरगूडमधील पोलीस ठाण्यामध्ये हसन मुश्रीफ यांच्या विरोधात तक्रार द्यायला येणार आहेत. या पार्श्वभूमीवर सर्व तालुक्यांसह जिल्ह्यातील कार्यकर्त्यांच्या मनात तीव्र असंतोष आहे. यातूनच मुरगूड स्थानिक राष्ट्रवादी कार्यकर्त्यांनीही शहर बंदीचा निर्णय घेतला होता. त्यामुळे सर्वत्र खळबळ माजली होती आणि पुन्हा कोल्हापूरमध्ये सोमय्या यांना विरोध होणार असे वातावरण तयार झाले होते.

पण, खुद्द मुश्रीफ यांनी आवाहन केल्यानुसार आता त्यांना होणारा विरोध मावळल्याचे दिसले. मुश्रीफ यांनी आवाहन केल्यानंतर लगेच पालिका कार्यालयात पत्रकार परिषद घेत जमादार यांनी आपली भूमिका मांडली. ते म्हणाले, वास्तविक पाहता किरीट सोमय्या यांनी पर्यटनासारखे फिरत न बसता व चितावणीखोर भाष्य न करता यायला पाहिजे. जर दौऱ्यामध्ये ठरल्याप्रमाणे ते मुरगूड ला आलेच तर त्यांना कोणीही नागरिक विरोध करण्यासाठी जाणार नाहीत. सर्व व्यवहार सुरळीत सुरू राहतील. त्याच्या बेताल वक्तव्याचा निषेध म्हणून काळे झेंडे लावले जातील.

यावेळी उनगराध्यक्षा रंजना मंडलिक, नगरसेवक विशाल सूर्यवंशी,नगरसेवक रवी परीट, पक्षप्रतोद संदीप कलकुटकी, सचिन मेंडके, माजी नगराध्यक्ष प्रकाश चौगले, आदी प्रमुख उपस्थित होते.