वारणा दूध संघाची निवडणूक सलग ७ व्यांदा बिनविरोध

संचालक मंडळात ७ नव्या चेहऱ्यांना संधी

लोकमत न्यूज नेटवर्क

वारणानगर : देशात आणि देशाबाहेरील दुग्ध क्षेत्रामध्ये नावलौकिक प्राप्त केलेल्या वारणा सहकारी दूध उत्पादक प्रक्रिया संघाच्या पंचवार्षिक निवडणुकीत संचालक मंडळाच्या २१ जागांसाठी २१ जणांचे अर्ज शिल्लक राहिल्याने वारणा दूध संघाची २०२१ ते २०२६ यासाठीची निवडणूक ७ व्यांदा बिनविरोध झाली. सोमवारी संघाच्या कार्यस्थळावर दुपारी विशेष सर्वसाधारण सभेत निवडणूक निर्णय अधिकारी अरुण चौगले यांनी निवडी बिनविरोध झाल्याचे जाहीर केले.

वारणा दूध संघाच्या २१ जागांसाठी पंचवार्षिक निवडणुकीचा कार्यक्रम जाहीर झाला होता. वारणा समूहाचे नेते आमदार डॉ. विनय कोरे यांच्या नेतृत्वाखाली दूध संघाची निवडणूक अखेर बिनविरोध पार पडली. संचालक मंडळात ७ नवीन चेहऱ्यांना संधी देण्यात आली.

यावेळी वारणा समूहाचे नेते आमदार डॉ. विनय कोरे यांच्यासह नूतन सर्व संचालकांना निवडणूक निर्णय अधिकारी अरुण चौगले यांच्याहस्ते निवडीचे प्रमाणपत्र देण्यात आले. संघाचे कार्यकारी संचालक मोहन येडूरकर यांनी स्वागत व प्रास्ताविक केले.

यावेळी आमदार डॉ. विनय कोरे म्हणाले, गतवेळच्या निवडणुकीत संघ आर्थिक अडचणीत असताना मी पहिल्यांदाच अध्यक्ष झालो. या पाच वर्षांच्या काळात अनेक आवाहनांना सामोरे जावे लागले. संघाला आर्थिक अडचणीतून बाहेर काढण्यासाठी सभासद, ग्राहक, कर्मचारी यासह सर्वांनी साथ दिली. दोन वर्षांत ७२ कोटींच्या नव्या विस्तार योजना राबविल्याने त्याचा फायदा संघाला झाला. येत्या दोन वर्षामध्ये

वारणा दूध संघ कर्जमुक्त होणार आहे. वारणा दूध संघ, कॅडबरी प्रकल्पात नव्याने विस्तार तसेच कार्यक्षेत्रासह साडेसात लाख लिटर दुधाचे संकलन करण्याचे उद्दिष्ट, नवी विक्री व्यवस्था यावर संघाने भर दिला आहे, असे कोरे यांनी सांगितले.

निवडणूक निर्णय अधिकारी म्हणून जिल्हा दुग्धव्यवसाय अधिकारी अरुण चौगले यांनी, तर सहायक निवडणूक अधिकारी म्हणून नामदेव दवडते, ॲड. शिवाजी यादव, अशोक पाटील, सचिन माने आदींनी काम पाहिले.

बिनविरोध निवडून आलेले संचालक असे - अ वर्ग उत्पादक सभासद गट - (१३ जागा ) -

विनय विलासराव कोरे (वारणानगर), चंद्रशेखर जनार्दन बुवा (बुवाचे वाठार), प्रदीप राजाराम देशमुख (नवे पारगाव),हिंदुराव रंगराव जाधव (बहिरेवाडी), शिवाजी रामचंद्र कापरे (कोडोली), राजवर्धन हंबीरराव मोहिते (घुणकी), अभिजित शिवाजीराव पाटील (चिकुर्डे ), धैर्यशील ऊर्फ मयूर रमेश पाटील (कोरेगाव), दीपकराव आनंदराव पाटील (खोची), कृष्णा रामचंद्र पाटील ( केखले), अ. ड. नेमगोंडा रायगोंडा पाटील (किणी), विजयकुमार तातोबा पाटील (कुरळप), महेंद्र बजरंग शिंदे (वाठार तर्फे वडगाव)

ब वर्ग संस्था सभासद गट (२ जागा) - अरुण बाबासाहेब पाटील (कुंभोज), लालासाहेब आनंदराव पाटील (तांदूळवाडी).

महिला प्रतिनिधी - (२ जागा) -

शोभा प्रकाश पाटील (कांदे), शमशाद मीरासाहेब मुल्ला (कोडोली),

अनुसूचित जाती /जमाती (२ जागा) - डॉ. मिलिंद विठ्ठल हिरवे (माले), शिवाजी महादेव जंगम (जाखले)

क वर्ग सभासद गट (२ जागा) -

माधव प्रभाकर गुळवणी (तळसंदे),

शिवाजी आकाराम मोरे (मोहरे),

फोटो -

२१ संचालकाचे फोटो Koldesk@ वर मेल केले आहेत...