युवा महोत्सवात ‘विवेकानंद’ भारी

निकाल जाहीर : बुधवारपासून होणाऱ्या ‘मध्यवर्ती’साठी पहिल्या तीन विजेत्यांची निवड

कोल्हापूर : लोकनृत्य, लोककला, लोकसंगीत वाद्यवृंद, एकांकिका अशा विविध नऊ स्पर्धांमध्ये धडाकेबाज सादरीकरणाच्या जोरावर शिवाजी विद्यापीठाच्या ३५ व्या जिल्हास्तरीय युवा महोत्सवात विवेकानंद कॉलेजने यंदाही आपले वर्चस्व कायम राखले. महावीर महाविद्यालयात गुरुवारी (दि.३) झालेल्या महोत्सवाचा निकाल विद्यापीठाकडून शुक्रवारी जाहीर करण्यात आला. प्रत्येक स्पर्धेतील पहिल्या तीन विजेत्यांची निवड कडेगाव (जि. सांगली) येथे बुधवार (दि.९) पासून होणाऱ्या मध्यवर्ती युवा महोत्सवासाठी झाली आहे.विजेते असे (प्रथम, द्वितीय, तृतीय व उत्तेजनार्थ) : वक्तृत्व स्पर्धा (मराठी) - विवेकानंद कॉलेज, राधानगरी महाविद्यालय, डीकेटीई - इचलकरंजी, न्यू लॉ कॉलेज (भारती विद्यापीठ). हिंदी- राजाराम महाविद्यालय, विवेकानंद कॉलेज, डॉ. घाळी कॉलेज (गडहिंग्लज), यशवंतराव चव्हाण वारणा महाविद्यालय. इंग्रजी- केआयटी कॉलेज, भारती विद्यापीठ इंजिनिअरिंग कॉलेज, संजीवनी इंजि. कॉलेज, पन्हाळा, कॉमर्स कॉलेज. वादविवाद स्पर्धा - विवेकानंद कॉलेज, जे. जे. मगदूम इंजिनिअरिंग कॉलेज (जयसिंगपूर), दूधसाखर महाविद्यालय (बिद्री), संजीवनी इंजिनिअरिंग कॉलेज. सुगम गायन- कॉमर्स कॉलेज, केआयटी कॉलेज, संगीत व नाट्यशास्त्र विभाग (शिवाजी विद्यापीठ). भारतीय समूहगीत- कॉमर्स कॉलेज, केआयटी कॉलेज, विवेकानंद कॉलेज. मूकनाट्य स्पर्धा- भारती विद्यापीठ इंजिनिअरिंग कॉलेज, महावीर महाविद्यालय, यशवंतराव चव्हाण वारणा महाविद्यालय, आजरा महाविद्यालय. पथनाट्य - कॉमर्स कॉलेज, डॉ. घाळी कॉलेज, विवेकानंद कॉलेज, न्यू कॉलेज. लघुनाटिका- भोगावती महाविद्यालय (कुरुकली), विवेकानंद कॉलेज, भारती विद्यापीठ कॉलेज आॅफ इंजिनिअरिंग, अण्णासाहेब डांगे महाविद्यालय (हातकणंगले). एकांकिका- भारती विद्यापीठ कॉलेज आॅफ इंजिनिअरिंग, शरद इन्स्टिट्यूट आॅफ इंजिनिअरिंग (यड्राव), विवेकानंद कॉलेज, कॉलेज आॅफ आर्किटेक्चर, कोल्हापूर. लोकसंगीत वाद्यवृंद- विवेकानंद कॉलेज, कॉमर्स कॉलेज, न्यू कॉलेज. लोककला - शरद इन्स्टिट्यूट आॅफ इंजिनिअरिंग, विवेकानंद कॉलेज, न्यू कॉलेज, भारती विद्यापीठ इंजिनिअरिंग कॉलेज. लोकनृत्य- न्यू कॉलेज, डीकेटीई, इचलकरंजी, आजरा महाविद्यालय, विवेकानंद कॉलेज.


मध्यवर्तीच्या तयारीला वेग
विद्यापीठाचा ३५ वा मध्यवर्ती युवा महोत्सव ९ ते ११ सप्टेंबर दरम्यान कडेगाव (जि. सांगली) येथील मातोश्री बयाबाई श्रीपतराव कदम कन्या महाविद्यालयात होणार आहे. यात कोल्हापूर, सांगली व सातारा जिल्ह्यांतील ७५ संघांतून सुमारे १५०० विद्यार्थी-विद्यार्थिनी सहभागी होणार आहेत. मध्यवर्ती युवा महोत्सवातील स्पर्धांचे परीक्षण करण्यासाठी ८४ परीक्षक कार्यरत असणार आहेत. त्यांना पत्रे तसेच मान्यवरांना निमंत्रण पत्रिका पाठविण्यासह स्मृतिचिन्ह, प्रशस्तीपत्र बनविणे, आदी स्वरूपातील तयारी विद्यापीठाच्या विद्यार्थी कल्याण मंडळाकडून वेगाने सुरू आहे.