राधानगरी पंचायत समितीच्या सभापतीपदी वंदना हळदे

राधानगरी पंचायत समितीमध्ये राष्ट्रवादी काँग्रेस पाच, राष्ट्रीय काँग्रेस चार, तर शिवसेनेचे एक असे बलाबल आहे. आघाडीच्या समझोत्यानुसार शिवसेनेच्या सुशीला भावके यांनी राजीनामा दिल्याने रिक्त जागेवर राष्ट्रवादीचे मोहन पाटील प्रभारी सभापती म्हणून कार्यरत होते. आजच्या सभापतीपदाच्या निवड सभेत राष्ट्रवादी काँग्रेसच्या वंदना विलास हळदे यांची बहुमताने निवड करण्यात आली. जिल्हाध्यक्ष ए.वाय. पाटील, राष्ट्रवादीचे तालुका अध्यक्ष प्रा. किसन चौगले, काँग्रेसचे तालुका अध्यक्ष हिंदुराव चौगले, जिल्हा बँकेचे माजी अध्यक्ष कृष्णराव किरुळकर, बिद्रीचे माजी उपाध्यक्ष विजयसिंह मोरे, शिवसेनेचे तालुका अध्यक्ष भिकाजीराव हळदकर यांच्या नेतृत्वाखाली सभापती निवडीचा समझोता ठरविण्यात आला होता.

निवड सभेला गटविकास अधिकारी डॉक्टर संदीप भंडारी, सहायक गटविकास अधिकारी शरद शिंदे, सदस्य सर्वश्री दिलीप कांबळे, उत्तम पाटील, रवीश पाटील, वनिता पाटील, कल्पना मोरे, दीपाली पाटील, सोनाली पाटील, सुशीला भावके, विलास हळदे आदींची उपस्थिती होती.

फोटो - नूतन सभापती वंदना हळदे यांना निवडीचे प्रमाणपत्र देताना राधानगरीच्या तहसीलदार व निवडणूक निर्णय अधिकारी मीना निंबाळकर, राष्ट्रवादीचे जिल्हाध्यक्ष ए. वाय. पाटील, राधानगरी तालुका काँग्रेसचे अध्यक्ष हिंदुराव चौगुले, ज्येष्ठ नेते कृष्णराव किरूळकर, प्रा. किसन चौगले, भिकाजी हळदकर आदी.

छाया -श्रीकांत ऱ्हायकर