पळापळा लस आली.... सर्वच केंद्रांवर पुन्हा गर्दी

कोल्हापूर : महानगरपालिकेला गुरुवारी सकाळी कोविशिल्डचे ३३०० डोस मिळताच शहरातील प्राथमिक नागरी आरोग्य केंद्र, सीपीआर रुग्णालय व खासगी रुग्णालयात मिळूण एकूण २६०५ नागरिकांना लसीकरण करण्यात आले. गुरुवारी लस आल्याची माहिती कळताच ‘पळापळा लस आली’ असे म्हणत नागरिकांनी शहरातील सर्वच केंद्रांवर गर्दी केली.

नागरी आरोग्य केंद्रांवरील गर्दी, गोंधळ आणि वादावादीचे प्रकार गुरुवारीसुद्धा घडले; परंतु आता यापुढे ऑनलाईन नोंदणी केल्याशिवाय लसीकरण केले जाणार नाही. ज्यांना ऑनलाईन नोंदणी करणे शक्य नाही, ज्यांच्याकडे स्मार्टफोन नाहीत अशाकरिता केंद्रावरच नोंदणी करण्याची सोय केली आहे.

- आज, शुक्रवारी असे होणार लसीकरण -

- राजारामपुरी, महाडिक माळ, फिरंगाई - कोविशिल्ड पहिला व दुसरा डोस.

- सावित्रीबाई फुले रुग्णालय - कोव्हॅक्सिन दुसरा डोस

- सीपीआर हॉस्पिटल - कोविशिल्ड पहिला व दुसरा डोस. कोव्हॅक्सिन दुसरा डोस.

-गुरुवारी झालेले लसीकरण -

सावित्रीबाई फुले -२१९, फिरंगाई - १४९ , राजारामपुरी - ११०, पंचगंगा - १६८, कसबा बावडा - २१०, महाडिक माळ - २४०, आयसोलेशन- १९०, फुलेवाडी- २००, सदरबाजार- २०५, सिद्धार्थनगर - १४५, मोरे मानेनगर - १५०, सीपीआर- २०५, खासगी रुग्णालय - ४१४ .

- आतापर्यंतचे लसीकरण -

-पहिला डोस - १,०७७९८

- दुसरा डोस - २५,२३०

- ऑनलाईन नोंदणी असेल तरच लसीकरण-

कोविन पोर्टलवर ऑनलाईन पद्धतीने नोंदणी करून अपॉईंटमेंट घेतलेल्या नागरिकांनाच लस देणेत येणार आहे. नोंदणी न करताच कोणी केंद्रांवर गर्दी करू नये, असे आवाहन आवाहन प्रशासक डॉ. कादंबरी बलकवडे यांनी केले आहे.