हुपरीच्या आरोग्य केंदाला लस द्या

हुपरीतील सकल मराठा समाजाच्या शिष्टमंडळाने या दोन मंत्र्यांची आज भेट घेऊन त्यांच्याकडे हुपरी प्राथमिक आरोग्य केंद्रास जादा लस पुरवठा करण्याच्या मागणीचे निवेदन देण्यात आले. हुपरी परिसरातील चांदी व्यावसायिक आपल्या व्यवसायानिमित्त संपूर्ण देशभर प्रवास करत असतो. त्यामुळे या व्यावसायिकांना निश्चितच कोरोनाचा धोका अधिक संभवतो. हुपरी शहर व केंद्रांतर्गत येणाऱ्या अन्य चार गावांची लोकसंख्या मोठ्या प्रमाणात असल्याने सध्या पुरवठा होणारी लस अपुरी पडत आहे. शिष्टमंडळाने ही बाब या दोन्ही मंत्र्यांच्या निदर्शनास आणून दिली.तसेच जिल्हाधिकारी दौलत देसाई यांनाही याबाबतचे निवेदन देण्यात आले. या वेळी चांदी कारखानदार असोसिएशनचे उपाध्यक्ष दिनकराव ससे, मराठा समाज अध्यक्ष मोहन वाईंगडे, अरुण यादव, राजेश भोजे, पृथ्वीराज गायकवाड,अमित नरके,सूरज कदम,प्रतीकराज निंबाळकर आदी उपस्थित होते.

फोटो ओळी-हुपरी(ता. हातकणंगले) येथील प्राथमिक आरोग्य केंद्राला जास्तीत जास्त लसीचा पुरवठा करावा. या मागणीचे निवेदन सकल मराठा समाजाच्या वतीने पालकमंत्री सतेज पाटील यांना देण्यात आले. या वेळी दिनकरराव ससे, मोहन वाईंगडे, अमित नरके, अरुण यादव, राजेश भोजे आदी उपस्थित होते.