ऑलिम्पिक टार्गेट शूटिंग रेंजचे दोन खेळाडू राज्य स्पर्धेत

कोल्हापूर : महाराष्ट्र रायफल असोसिएशनतर्फे घेण्यात आलेल्या राज्यस्तरीय नेमबाजी स्पर्धेत छत्रपती राजाराम टिंबर मार्केट येथील ऑलिम्पिक टार्गेट शूटिंग रेंजच्या दोन खेळाडूंनी यश मिळविले.

औरंगाबाद, वाशिम, अहमदनगर, नाशिक, नागपूर या पाच ठिकाणी झालेल्या या नेमबाजी स्पर्धेत हे दोन खेळाडू अकॅडमीकडून सहभागी झाले होते. दिलीप पुरोहित यांनी दहा मीटर एअर पिस्तूल प्रकारात ४०० पैकी ३६८ गुण मिळवून सीनिअर गटात प्रथम क्रमांक पटकावला, तर स्वरा वीरेंद्र मगदूम हिने दहा मीटर पीप साईट एअर रायफल प्रकारात ४०० पैकी ३७६ गुण मिळवून ज्युनिअर वूमेन गटात तृतीय क्रमांक पटकावला.

अहमदाबाद (गुजरात) येथे होणाऱ्या ऑल इंडिया जी. व्ही. मावळनकर राष्ट्रीय नेमबाजी स्पर्धेसाठी या खेळाडूंची निवड झाली आहे. त्यांना प्रशिक्षक विनय पाटील, तालुका क्रीडा अधिकारी सचिन चव्हाण यांचे मार्गदर्शन लाभले आहे. अकॅडमीचे संचालक सचिन पाटील आणि पालकांचे या खेळाडूंना प्रोत्साहन लाभले.

-----------------------

10092021-kol-Dilip Magdum.jpg

फोटो ओळ : दिलीप पुरोहित

10092021-kol- Swara magdum.jpg

फोटो ओळ : स्वरा वीरेंद्र मगदूम

---------------------

(बातमीदार : संंदीप आडनाईक)

110921\11kol_2_11092021_5.jpg

10092021-kol-Dilip Magdum.jpg