शिरोळ संक्षिप्त बातम्या

दत्तवाड : कोरोना महामारीत ग्रामीण रुग्णालयात येणारे रुग्ण लसीकरणासाठी येणारे नागरिक याबरोबरच रुग्णालयात असलेले कर्मचारी, डॉक्टर्स यांच्यासाठी आरोग्य राज्यमंत्री डॉ. राजेंद्र पाटील-यड्रावकर सोशल फाउंडेशनच्या वतीने दत्तवाड ग्रामीण रुग्णालयास सॅनिटायझरचे वाटप करण्यात आले. या वेळी डी. एन. सिद्धनाळे, सरपंच चंद्रकांत कांबळे, नूर काले, बाबूराव पवार, बाळू चौगुले, अभय चौगुले, राहुल चौगुले, सोहेल गवंडी, सागर कोळी, लाला मांजरेकर, बसगोंड तोडकर उपस्थित होते.

-

शिरोळमध्ये गरजूंना जेवण वाटप

शिरोळ : येथील शुभांगी फल्ले यांनी शहरातील ५० गरजूंना मोफत भोजन वाटप केले. वाढदिवसाच्या खर्चाला फाटा देत फल्ले यांनी हा उपक्रम राबविला. याप्रसंगी विजय कोळी, निळकंठ फल्ले, वैभव लोंढे, कुमार पिसाळ, शुभम धामणे, भीमराव पुजारी, विलास सुतार उपस्थित होते.

जयसिंगपुरात अंतर्गत रस्त्याची दुरवस्था

जयसिंगपूर : शहरात अंतर्गत रस्त्याची मोठी दुरवस्था झाली आहे. त्यामुळे वाहनधारकांना कसरत करावी लागत आहे. त्यामुळे या रस्त्यांची लवकरात लवकर दुरुस्ती करावी, अशी मागणी वाहनधारकांतून होत आहे. रस्त्यातील खड्डयांमुळे अपघाताची देखील शक्यता आहे.