वडगावमध्ये उद्यापासून तीन दिवस कडक लॉकडाऊन

पेठवडगाव : कोरोना विषाणूंचा प्रादुर्भाव रोखण्यासाठी शहरात शनिवारपासून तीन दिवसांसाठी पूर्णत: लॉकडाऊन करण्यात येणार आहे. वडगावमध्ये आतापर्यंत १५२ कोरोनाबाधित रुग्ण सापडले आहेत. या पार्श्वभूमीवर पालिका व पोलीस प्रशासनाने कडक भूमिका घेत अपवाद वगळता सर्व सेवा बंद ठेवण्याचा निर्णय घेण्यात आला असून, घरी राहा सुरक्षित राहा असे आवाहन नगराध्यक्ष मोहनलाल माळी यांनी केले. वाढता संसर्ग कमी करण्यासाठी १ ते ३ मे या तीन दिवसांसाठी वडगाव शहर पूर्णत: लॉकडाऊन करण्याचा निर्णय घेण्यात आला आहे. या तीन दिवसांत दूध व औषधे सकाळी ८ ते १० व चार ते सातपर्यंत सुरू राहणार आहेत, तर अन्य कोणीही कारण काढून रस्त्यावर येऊ नये, अन्यथा कडक कारवाई करण्यात येणार आहे.

शहरात आतापर्यंत १५२ रुग्णांपैकी ६४ रुग्णांवर उपचार सुरू आहेत.

नागरिकांनी घरात राहावे, विनाकारण घराबाहेर पडू नका असे आवाहन नगराध्यक्ष मोहनलाल माळी, उपनगराध्यक्ष संतोष चव्हाण, मुख्याधिकारी टीना गवळी, नगरसेवकांनी केले आहे.