कराडात दुचाकी चोरून कोल्हापुरात विकणाऱ्या चोरट्यास अटक

कोल्हापूर : कराड शहरातील दुचाकी चोरून त्या कोल्हापुरात विकणाऱ्या सराईत चोरट्यास स्थानिक गुन्हे अन्वेषण पोलीस पथकाने आरळे (ता. पन्हाळा) येथे शनिवारी अटक केली. आकाश ऊर्फ सोन्या आनंदा पाटसुपे (वय २८ रा. मुजावर कॉलनी, मार्केट यार्ड, कराड, जि. सातारा) असे अटक केलेल्या चोरट्याचे नाव आहे. त्याच्या ताब्यातून सुमारे २ लाख १० हजाराचा चोरीच्या एकूण ५ दुचाकी जप्त केल्या.

पोलिसांनी दिलेली माहिती अशी की, स्थानिक गुन्हे अन्वेषण पथकाचे पोलीस आरळे (ता. पन्हाळा) येथे पेट्रोलिंग करत होते. त्यावेळी आकाश पाटसुपे याला संशयावरून ताब्यात घेऊन चौकशी केली. त्यावेळी त्याच्या ताब्यात पाच दुचाकी मिळाल्या. त्याबाबत सखोल चौकशी केली असता, त्या चोरीच्या असल्याचे प्राथमिक तपासात निष्पन्न झाले. याबाबत त्याने दिलेल्या माहितीवरून कराड शहर पोलीस ठाण्यात चौकशी केली असता, तेथे पाच दुचाकी चोरीच्या तक्रारी दाखल आहेत. त्याने, त्या पाचही दुचाकी कोल्हापूर जिल्ह्यात विक्री करण्यासाठी आल्याचे सांगितले. संशयित आरोपीवर सातारा जिल्ह्यात अशा प्रकारचे चोरीचे ४ गुन्हे दाखल आहेत. याबाबत संशयित चोरटा पाटसुपे याच्यासह चोरीच्या जप्त केलेल्या पाचही दुचाकी पोलिसांनी कराड शहर पोलिसांच्या ताब्यात दिल्या.

ही कारवाई पोलीस निरीक्षण प्रमोद जाधव यांच्या मार्गदर्शनाखाली सहा. फौजदार विजय गुरखे, चंदू नन्नवरे, सचिन देसाई, वसंत पिंगळे, कृष्णात पिंगळे, हिंदूराव केसरे, दीपक घोरपडे, सोमराज पाटील यांनी केली.

फोटो नं. ११०९२०२१-कोल-क्राईम०१

ओळ : कराड शहरातील दुचाकी चोरून त्या कोल्हापुरात विकणाऱ्या सराईत चोरटा आकाश पाटसुपे याला आरळे (ता. पन्हाळा) येथे स्थानिक गुन्हे अन्वेषण पोलीस पथकाने शनिवारी अटक केली.

110921\11kol_1_11092021_5.jpg

ओळ : कराड शहरातील दुचाकी चोरुन त्या कोल्हापूरात विकणार्या सराईत चोरटा आकाश पाटसुपे याला आरळे (ता. पन्हाळा) येथे स्थानिक गुन्हे अन्वेषण पोलीस पथकाने शनिवारी अटक केली.